القضية رقم 2 ((غلاء المهور))

[احمد زكريا]

بأعتبار انو الشباب دخلوا بموضوع مشاكل القرية فانا عندي مشكلة كبيرة كتير لكل شب في قريتنا الحبيبة الا وهي غلاء المهور في قريتنا مقارنة مع كل القرى المجاورة
حبيت يا شباب اعرف رأيكن في هذا الموضوع باعتبار انو ديننا الحنيف حض على التيسير وعدم المغالاة في المهور ولكن بنفس الوقت ليس هناك من يستطيع ان يمنع المغالاة في المهور وهذا واضح عندما عارضت المراة سيدنا عمر عندما كان يريد تحديد المهور بقولها ان الله جل جلاله اعطانا قنطارا" فكيف تحدد انت فقال اصابت امرأة وأخطا عمر وفي نفس الوقت حض رسولنا الكريم على تيسير المهور بقوله لأحد الصحابة (( التمس خاتما" من حديد )) والجدال مستمر في هذا الموضوع
بدي رأيكم يا شباب

[مصطفى العلي]

شكرا لك ابو زكور على هالموضوع الهام
بالنسبة لموضوع المهر اصبح في قريتنا وللاسف امر يتباهى به الناس بين بعضهم
يعني فلانة بنت فلان والله مهرها مليون مقدم ومليون مأخر
والله بيت فلان كتبو على فلان ابن فلان مبلغ مليون ليرة عند الطلب
يعني هالشي واقعي وعمنعيشو وللاسف
واقل مهر موجود بالقرية الآن على ما اظن هو 200 الف مقدم و200 الف مأخر
طيب ليش هالتصعيب على الشباب ؟؟
وعلى فكرة هالامر بضر على كل الناس حتى الفتيات نفسهن
انا مع وضع المؤجل ب 200 الف بس انا ضد المهر المقدم الغالي
يعني الشب من وين بدو يجيب 200 الف مقدم ؟؟
حتى لو جابها وكانت مأمنة رح تصرف على امور تافهة ومن دون طعمة
رح اضرب مثال
العروس الجديدة عندما تشتري لباسها تشتري لباس لمدة تزيد عن سنة وللاسف كل اللباس التي تشتريه يبقى بالخزانة ولا يلبس
وكل هذا الهدر من شان يقولو الناس ان فلانة اشترولها كذا وكذا
وهذا الامر اظنه لن يتغير ولا بشكل من الاشكال ويبقى عادة من العادات الجديدة والله يلطف من الاجدد
هاااااااهاااااااهااااااا

[ام عبد الحميد]

فعلاًصار عنا غلاء المهور كبير بالضيعة وصار الهدف التباهي والتفاخر أكتر من طلب السترةللبنت أو الشب ...........

.ولكن إذا كان الشب مقتدر مافي مانع أنو يكرم عروسته ومالازم يكون هذا مقياس لكل الناس كل حسب أستطاعته.........

وأنا مع قول الرسول صلى الله عليه وسلم ((إذا جاءكم من ترضون دينه وخلقه فزوجوه))

وجزاك الله خيراًعلى هذا الموضوع

[walid]

السلام عليكم


غلاء المهور شي واضح وملموس في قريتنا
بس انا ملاحظ مأخرا انو صار في شوية تيسير
يعني صار في وعي بين الاهالي والمشكلة انو الي عم يغلي المهر مو من شان ضمان حق بنتو متل ما بيدعي لما تسألو او بتناقشو بالموضوع كلو عم يكون من شان المفاخرة ومن شان يحكو العالم ويقولو والله فلان طلب مهر بنتو كذا



واسأل الله حسن التدبير

ومشكور على الموضوع ابو زكور بلكي على حظنا الناس بيسمعو منك وبخفضونا المهور شوي من شان نقدر نتجوز
ههههههههههههههه
:9:

[احمد زكريا]

ما قصرتوا يا شباب بالردود بس شو الحلول برأيكن

[مهند خالد الأسعد]

المشكلة بتجهيز العروس للملابس اللي نصفه أغراض مصيرها للخزانة والنسيان وبعد كم شهر تشتري غيرها
أما بالنسبة لغلاء المهور فهي مشكلة عامة وفي كل مكان ولا يحلها الا رجال الدين واولي العزم من الرجال بالنصيحة والقرارات الشهمة

[fadias]

موضوع غلاء المهور موضوع سهل الحل , وما بتوقع يكون في مشكلة , هوي ظاهرة موجودة حاليا مو بس با الضيعة وبا المدن كمان , يعني ممكن با الضيعة يكون غالي شوي , وممكن ما يطلبو بيت مثلا , بينما با المدينة البيت أهم شي , وظيفة ب15 ألف ما عدا لازم أقل شي يكون الواحد بيملك شي مليونين او 3 , مشكور على الموضوع القيم

ورووووود
اللهم إني أعوذ بك من زوال نعمتك

[عمر ابو هادي]

راحت علينا ياحسرتي ان كان هيك