الى جميع الاعضاء موضوع للنقاش ارجو دخول الجميع

[مصطفى العلي]

السلام عليكم ورحمة الله وبركاته

تحياتي لجميع احبائنا زوار واعضاء موقع النيرب

من الواضح يا شباب ان الحساسية بين الاعضاء عبتزداد هالايام
يعني الظاهر متعودين على متل الكلام والردود الحلوة دائما ومتل ما بقولو الكولكة والخوشقة (بالحلبي )
هههههه
ليش يا شباب ويا صبايا ما حدا عبيتقبل النقد من طرف آخر ؟؟؟
يعني مثلا واحد بكون نشر موضوع هو برأيه موضوع مفيد بيجي شخص تاني بلاقي هالموضوع ما بيعنيه شي بيتركه او بقول شكرا وبيتم ماشي
ونادرا ما نلاحظ نقد بناء ضد الموضوع ولكن للاسف عندما يتم وضع نقد مضاد له تنتج الحساسية مباشرة بين الاعضاء وتتحول الى عدائية !!!
طيب ليش ؟؟؟
انا نزلت موضوع لازم اتقبل جميع الردود يلي رح تصير ان كانت ضد هالموضوع او كانت معه
وهالشي يعني اذا نزل رد عبينتقدني فيه ما لازم اعمل حملة عدائية ضد الشخص الذي نزل الرد الناقض بالعكس تماما بعرف ان من يضع رد انه قرأ ما كتبت ولازم احترم رده مهما يكن
الا اذا كان فيه كلام قاسي للشخص نفسه ولا اظن لحتى الآن احد وجه للثاني هيك رد وان كان فانما يكون من باب المزح والمداعبة
وانا برأيي ان المشكلة الاكبر يلي عبتصير بين الاعضاء ان الشخص يدخل باسم وهمي ويضع رده والشخص صاحب الموضوع لا يعرف الشخص الذي وضع الرد مما يزيد حساسية بين الاعضاء على انه اضاف رد قاسي عليه دون ان يعرفه
او انه يعرفه ويريد ان يبهدل فيه بالموقع (هذا تفكير سطحي لدى البعض وهو موجود )
فيا شباب انا ما رح قول شي لالكم انتم احرار بردودكم ونحن اسرة واحدة ان شاء الله
بس بتمنى من الجميع احترام رأي الآخرين بمواضيعهم وردودهم
وان تكون المواضيع اكثر واشمل افادة والردود تكون ضمن الادب وانا اول المتقبلين للانتقاد ان شاء الله
وانصح جميع الاعضاء المسجلين لدينا ان يغيرو من اسمائهم الوهمية ويدخلو باسمائهم الحقيقية
فنحن اسرة واحدة وابناء قرية وجميعنا اقارب واخوة ولا يجب ان نخفي انفسنا عن الآخرين ومن اراد تغيير اسمه يرسل رسالة خاصة بالاسم الذي يريده وانا اغيره ان شاء الله
مع تمنياتي لكم بقضاء اجمل الاوقات في موقع الاسرة الواحدة موقع المحبة والالفة موقع النيرب
والله يديم المحبة بيننا
وتحياتي للجميع


شكرا

[waseem]

شو ياصطيف انا عبلاحظ في بعض الاعضاء بتنزل مواضيع كتيرة منها المفيد ومنها التافهة اوكي الموضوع ماعجبك او بالنسبة الك موضوع مو منيح في حرية للتعبير ولاكن بادب وبكلام موزون لان اكتر المشاركين بالموقع معروفين مو حلو بحقهم ينهانو بكلام سيئ وتتولد بيناتهم الكراهية والحساسية ويتبادلو كلام سيئ على الموقع وبتمنى منك ماتتسامح مع المخطئ مهما كان مرتبتو مشرف او عضو او مشارك قديم او جديد ويكون في نظام بالموقع اول خطأ انزار تاني خطأ طرد فورا هادا رائي مع احترامي للجميع وشكرا على هالموضوع

[مصطفى العلي]

انا معك يا وسيم ومتفق معك بهالكلام
بس عمنقول في مواضيع تافهة وهذا صحيح
فرضا انت نزلت موضوع تافه بالنسبة الي وانا كتبتلك انه تافه
ما لازم انت تتحسس ولازم تتقبل الرد مثل ما بتتقبل رد الشكر
طبعا الرد رح يكون ضمن الادب وضمن الاصول
يعني مو مثل يكون واحد منزل موضوع مهم جدا لدى الجميع ويجي واحد من شان بدو يشارك بيحط الموضوع تافه طبعا الرد رح يكون لالو وهون ببين ان عبيدخل من شان ازعاج الآخرين وليس لابداء الرأي وهون بيستحق التنبيه والانذار

بانتظار رأي الآخرين وهل تتقبلون الرأي المناقض ام لا ؟؟؟

[نيربــــــي]

يا شباب نحنا هون بالنهايه لنتواصل مع بعض بالموقع مش جاين نتمسخر
والموقع فكره حلوه كتير من ابو كامل الله يعطيه العافيه
بس الموقع بدو دعم وشغل اكتر
ونحنا بدورنا لازم نتشارك لانجاح الموقع
ودعمو ماديا ومعنوياً
ورووووودتحياتي

[fadias]

أنا برأيي يا شباب لازم يكون الرد على المواصيع يكون باحترام , يعني ممكن يكون في مواضيع ما الها معنى با الموقع بس كمان الرد لازم يكون بادب واحترام , مو معقول والله كل واحد حفظالي كلمتي من وين جايبهن ما بعرف بدو يعلق ويرد بأسلوبو , في اسلوب معين للرد على المواضيع , حتى لو كان الموضوع تافه او غير مفيد
ورووووود

[فادي]

السلام عليكم
يعطيك العافية يا استاذ ابو كامل و انت بذات نفسك عم تقول انو كل شخص حر برأيو و حر بالموضوع اللي بنزلو طبعا بس يكون ضمن الأدب و الاخلاق .
و ما في اي شخص بيحسن يفرض على شخص تاني انو ينزل هالموضوع او لا ينزلو و عالم تحذف مواضيع لعالم من دون اذنها !!!!!
و شكراااااااااا
تحياتي

[مصطفى العلي]

شكرا على ردك يا فادي
بس انا بظن ان شرحتلك الامر وقت حذفت موضوعك
وما شاء الله اذا بدي قول لكل واحد على اني حذفتله موضوعه يبقى ما بلحق من كتر ما عبيتكرر مواضيع بالموقع
اما بالنسبة لموضوعك خلص رح الك اعتبره بساوي عنصرية بالموقع ومن شان ما يصير حساسية انا حذفته
بس انا بتذكر اني التلك انت المسؤول واذا بدك نزله بس انا ماالي علاقة وما رح احذف اي رد لان حذرتك منه وانا واثق 100% رح يصير متل ما شرحتلك
وشكرا

[طاهر]

ورووووودتحياتيوالله يابن خالتي نحنا بطبعنا منحب المراغمه والمسخره شوف ابل هلأ كان مافي حدى ينشر اخبار على الموقع بس لاحظ هلأ كترو وصار الي بدو يسبق التاني ليحط الخبر طبعا" بكون في اكتر من واحد عبنزل هل خبر وبالتالي في حساسيات رح تنشأ بين الأعضاء متل ماصار معي وانا برأي لازم ينوجد حل وانا بوافقك على الاحترام بين جميع الأعضاء والمشاركين والمواضيع بشكل عام لازم تكون بعيدي عن الطوائف ولا زم تكون شاملي ويعني انت لازم تختار الحلول المناسبه في حال كان الموضوع او الخبر في اي اشكال وشكرا"ااااا"

[مهند خالد الأسعد]

برأيي اللي بيعجبو الموضوع يكتب شي جميل ومفيد واللي ما بيعجبو يتركه وينتقل لموضوع تاني

[محمد أحمد العلي]

لا تعليق احسن؟؟؟؟؟؟؟؟؟؟؟؟؟؟؟

[mazenassad]

أنا برأي كل واحد يحترم نفسه ويكون أدبي وأخلاقي ومايحشر حاله بشي مابيعنيه ويلتزم حدوده وانشاء الله مابيصير اي زعل ولاحساسية , وبأمكان كل شخص التعليق على الموضوع الي بعجبو والي الموضوع الي مابعجبو يتجاهلو ويتقبل الردود باصدر رحب وبأمكانو يرد على الردود ليش الحساسية؟
وهذا الموقع يمثل اهل النيرب ويمكن مش بس نحن بندخل على الموقع هذا لآنو موقع على الآنترنت وبيحق للآي شخص ان يدخل ويشوف ويقرأ المواضيع والتعاليق لذلك كل واحد ياشباب يزين كلامو قبل ان يكتبو...

تحياتي

[لؤي ابو الطاهر]

موضوع حلو يعطيك العافي ابو كامل يا شباب الموقع اسمو النيرب يعني باسم الكل ونحنا اخوة انشالله وما لازم حدا يتحسس من اي موضوع بينحط اي كان نوعه اذا عجبو يعلق عليه ما عجبو يتجاهلو وياخد الامور بروح رياضية ومين من بدو ينزل موضوع منستفيد من اي كان نوعه والموقع مو بس لاهل النيرب في من برات النيرب وبلاخر من ضل اخوة واحباب

[ابو لمار]

تحياتي
لجميع أعضاء المنتدى الكرام واسمحوا لي عبر هذا المنتدى أن أعبر بكل صراحة عن رأيي الخاص
و أكرر رأيي الخاص بشأن هذا الموضوع مع احترامي الكامل لكل عضو أضاف تعليقا عن هذا الموضوع

أخوتي و أخواتي الأعزاء
ان أردنا النجاح و الاستمرار في هذا الموقع الرائع فعلى كل شخص ابداء رأيه بكل تجريد و مصداقية
و الابتعاد عن اسلوب التطبيل و التزميرلكاتب الموضوع في حال كان الموضوع عادي أو بمعنى أخر
غير مترابط من حيث الحبكة القصصية و الأسلوب الأدبي بالنسبة للمواضيع الأدبية و بالنسبة للصور
فهي حرية شخصية
على سبيل المثال أنا تستهويني صور الرعب من قتل و دمار الخ الخ.............
لا مانع أن أبدي اعجابي بالصور و أشكر من عمل على هذا الموضوع
و لكن بنفس الوقت هناك أطفال و نساء ينتمون الى هذه الأسرة (منتدى النيرب)
من المفروض أن لا أنزعج من بعض الردود التي ترد عن الموضوع و أتقبلها بكل صدر رحب
و نستنتج مما أسلفنا ذكه أعلاه بأن ليس من الضروري أن يعجب كل القراء بالموضوع الذي كتبته
فهناك من يؤيد و هناك من يعارض و ان حصل عكس ذلك (الكل مؤيد) ويشكر و يبارك
فهذا هو الغلط بعينه لذلك
أخوتي و أخواتي الأعزاء
من أهم أسباب النجاح و التطور هو ممارسة الرأي وتقبل الرأي الأخر

[ferass98]

الافضل ما يكون عندي تعليق بس لازم نعرف انو كل انسان بعبر عن شخصيته بكلامه ( طريقة تعليقه على المواضيع ) لذالك ولماطول بالكلام لازم نعطي لاي شخص بيقرا تعليقنا صورة جميلة عنا طبعا فينا نحط ملاحظات بس بطريقة حلو وغير مزعجة واخيرا والاهم اذا شفنا تعليق لازم نتمعنو منيح ونفهم المعنى مشان مانفهم غلطالتعليق ويصير حساسية والزم نعرف المزح من الجد . شكرا

[عمر ابو هادي]

مزبوط هالكلام ياشباب اللي مابيعجبو الموضوع مايهين صاحبو ويصير حساسيت بيبكم نحنا بالاخير ولاد ضيعة وحدة ومتل الاخوة ان شاء الله وشكراكتير الك يا ابو كامل على هالموضوع هاد وتحياتيللجميع