الى متى ننتظر توسيع المخطط التنظيمي

[محمد عبد المعين]

الهم الاخير والعائق الكبير امام شباب النيرب هو المخطط التنظيمي كان هناك املا كبير في التوسع ولكنه اصبح حلما:156cc517af78d689db0:156cc517af78d689db0

[مصطفى العلي]

نحن معك يا ابو عبدو وشي اكيد توسيع المخطط رح يخفف من هالاسعار المرتفعة في اراضي البناء
وبالتالي التخفيف على الشباب الذين يطمحون في بناء بيتهم
ولكنك انت حتمت على انه لم يتم توسيعه مع اننا سمعنا بتوسع قريب للمخطط وطبعا بدورنا ندعو المسؤولين على هذا الامر ومن لهم دارية فيه ان يخبرونا بما يحصل وما آخر التخطيطات
تحياتي

[راشد اسعد]

وكلنا هيك , بنعرف البير وغطاه..... حلم منسي

[جنرال]

ياجماعة اسباب المشكلة من داخل الضيعة ويمكن الكل بيعرف مين سبب مشاكل المخطط وتأخيره

[فادي]

لك اههههههههههههههههههههههههه
يا شباب اولا بضم صوتي لصوت جنرال و برجع بقول انو في عالم عم تشتغل ضد مصلحة النيربو شكرا على هالطرح الحلو
تحياتي

[مهند خالد الأسعد]

اذا كنت صاحب قرار وصاحب ارض فما الك مصلحة يتوسع المخطط لتنباع الارض؟
بس مين صاحب القرار؟؟؟؟

[احمد زكريا]

خلو لربكن يا شباب ما حدا بيهموا العالم بالضيعة وكل واحد ما بتهموا الا مصلحتوا

[خالد عبد الهادي]

والله مصلحة الضيعة انو يتوسع طبعا المصلحة الجماعية والي عندو مصلحة شخصية بضدد هالشي فمصلحة الجماعة ابدا

[مصطفى المحمد]

يا شباب المخطط كان هاي السنة نازل بس في عالم في الضيعة انا بعرفن هني يلي وقفوه الى اجل غير مسمى لانوا

[نيربــــــي]

انا مابعرف ليش ما بينزكر السبب من شو خايفين شو هي قضيه سياسية

[خالد عبد الهادي]

انا مابعرف ليش ما بينزكر السبب من شو خايفين شو هي قضيه سياسية

طيب أول السبب أنتي إذا بتعرف
تقبل مروي

[احمد الاسعد (ابو شريف)]

شو هادا المخطط التنظيمي؟؟؟؟؟
لساتكم متذكرين أنو في مخطط تنظيميهاااااااهاااااااهاااااااهاااااااهااااااا
الله يكون بعونكم

[mazenassad]

شو يعني السبب سري للغاي؟؟؟؟؟؟؟؟؟؟
لاتستعجلو علي جاي
رح نعرف السبب في يوم من الآيام

[mustafa alahmad]

لك يا شباب نسيتوا كل المصايب الي عم نعانيها وتذكرتوا توسيع المخطط
اكيد ما تمت عليه بس
ايييييييييييييييييييييييييييي الله كريم الا في يوم من الايام ما يتوسع انتوا لا تستعجلوا

[ferass98]

انا من عندي بقول انو مابعرف السبب بس الي عبينحكا انو في شيىء من التوسع الأفقي للسكان وهاد شي غير مقبول بدو يركزو على التوسع العمودي والبركة فيكون بتعرفو الفرق بين الطرفين بس انا عندي ملاحظة على الشباب الي بيعرفو السبب الحقيقي ومين الي وراه وما بيوضح اي معلومة ليش شو القصة اكيد موخوف في كتيرين مابتعرف السبب وبيتمنو يعرفو وشكرا للموضوع

[نيربــــــي]

قرار تم توسيع المخطط عامودياُ وشكرا

[مصطفى العلي]

شباب انا مع ابو توفيق برأيه
ليش نحن عمنحكم على توسيع المخطط بالاتجاه الافقي يعني بامتداد مساحة الاراضي المسموح فيها البناء
ليش نحن ما منطالب بالسماح بتوسيع المخطط من خلال السماح ببناء البنايات والطوابق وعلى حد علمي بانه تم السماح من شي سنة فقط بثلاث طوابق
يعني لو جينا وشاهدنا مساحة الاراضي يلي استهلكناها بالبناء تساوي المدن في المحافظة من حيث الامتداد قارنو بين النيرب مثلا وسراقب
تجدو ان المساحة الطولية للنيرب تقارب المساحة الطولية لسراقب
يعني استهلكنا بما فيه الكفاية
ولو شاهدنا القرى المشابهة للنيرب مثلا في مناطق الساحل السوري مثلا
بلدية سلمى
عددها يساوي عدد سكان النيرب
ولكنهم يسمحون ببناء البنايات 5 و6 و7 طوابق
لو جينا وطبقنا هالشي عنا اكيد رح يكون مخفف كبير على سعر البيوت والاراضي ولكن بشرط ايضا السماح بالتوسع الافقي
يعني نحن منعرف ان في كتير الهم مصلحة بالتوسع العمراني الطولي من شان بس يرتفع سعر اراضيهم القريبة من السكن القديم وطبعا شي اكيد بتوسع المخطط رح ترتفع اراضيهم لضعفين او اكثر
ومن شان ما نسمح بهالشي ومن شان ما يصير ارتفاع اسعار طائل
نسمح ببناء البنايات بالقرية يعني 5-او حتى 6 طوابق وهيك رح يكون مجال ارتفاع بسيط على اسعار الاراضي
ورخص في البيوت عند وجود الكثير من البنايات
وشكرا للجميع وبانتظار ردود اكثر

[نيربــــــي]

يا سيدي نحن هربانين من الطوابق بدنا ينشرح صدرنا ليش اسمه قريه ولا رح نسميه محافظه ولا مدينه قلبنا عفن من الطوابق وعندنا مسحات كبيره احسن ما عم تنباع لاهل ريحه وقمناس وسرمين خلينا نتفرفد راح الكتير وبقي القليل يعني من العمر

[لؤي ابو الطاهر]

مين من الضيعة بيحسن ايوقفو حكي فاضي والله الي سمعتو ال هاي قرية وعدد سكانا 4000 نسمة وحطيلا توسعة 300 متر من كل الاتجاهات وعاقبو الي رسم المخطط ال معناتا المدينة ما وسعولا هيك شي يني مين الي عندو خمس دلومات بنصف الضيعة وبعدين كل شي والو سعرو الي بقلب الضيعة متل برات الضيعة او على طراف

[وليد اسعد]

شو يعني السبب سري للغاي؟؟؟؟؟؟؟؟؟؟
لاتستعجلو علي جاي
رح نعرف السبب في يوم من الآيام

[wajeh japan]

يا شباب توسيع المخطط التنظيمي أمر مهم جدا وخاصة للشباب وليس للشياب.. فبتوسيع المخطط فوائد كثيرة منها انخفاض سعر ارض البناء الذي اصبح خيالي ..وعند توفر ارض البناء سوف لن يسعى أحد لأرتكاب المخالفات او التجاوزات...وبألتزام الناس بلقوانين تصبح قريتنا نموزجا حضاريا...اما التوسع عاموديا كما يقولون فلا آظن انة ذو جدوى على هذا الوضع فجميع المنازل المبنية قديمة وهى غير موئسسة آصلا لبناء طوابق فوقها وكل من يجازف ببناء فوق بناء قديم فهوا على غلط ...فمن له قدرة مادية لهدم بيته وبناء بيت من طوابق من جديد؟؟ وكذلك اصبحت الارضي المعدة للبناء محدودة او شبة معدومة...واما عن ظاهرة انتشار الطوابق السكنية/التجارية/ في قرية النيرب فهي لا تصلح لجميع الناس لاننا نعيش في مجتمع ريفي ونحتاج الى وقت للتعود على سكن المدينة...فيجب على كل شب يحلم ببناء منزل له ان يسعى بتوسيع المخطط التنظيمي في هذة القرية..///شكوى ارسلت عنطريق سوريا نيوز لوزارة الأدارة المحلية/// الرقم : 29400الموضوع : لماذا لا تريدون توسيع المخطط التنظيمي في النيرب نص الشكوى : السادة وزارة الأدارة المحلية منذ اكثر من 18 عام والمخطط التنظيمي لهذة القرية لم يتوسع...أرسلناعدة شكاوي ولم نجد الرد....لن نتوقف عن ارسال الطلبات والشكاوي حتى نحصل على حقنا الطبيعي...نحن في هذة القرية ملتزمون بدفع كل ما يترتب علينا من ضرائب للبلدية وللمالية ولأية جهة حكومية فمن حقنا أن نطالب بحقنا...سمحو لنا بالتوسع عاموديا وهذا خطر كبير على حياة الناس يقومون ببناء طوابق فوق بناء قديم لعدم قدرتهم المادية على الهدم والبناء من جديد...نرجو الرد على هذة الشكوى