المطبات في النيرب

[waseem]

بأمر من السيد المحافظ تم ازالة المطبات من القرية نهائيا وجميع المناطق والنواحي والقرى

[ابو لمار]

شو هالأخبار الحلوة
الحمدلله ياخي يعني هلأ الواحد بيمشي وهو مطمن
بس لازم الناس تنتبه من السرعة كي لا يحصل شيء لا يحمد عقباه
مشكوووووووووووووور يا وسيم صار لو زمان هالقمر ما بان

[مصطفى العلي]

بس نحن مع وضع المطبات بالاماكن المناسبة وان تكون مقبولة لا تضر الآليات
فمو معقول تعدي السيارات الشاحنة بالسرعة الكبيرة من دون مطبات متل ما عانينا السنة الماضية من هالامر
تمر مسرعة وغالبا ما تكون محملة بالحجار والتراب وشو رح يوقفها او يهديها ومين هاد يلي بيسمحله القانون يوقفها ؟؟؟
لازم يلقى حل مناسب وشيلانهم مو حل
وشكرا على النقل يا وسيم

[خالد عبد الهادي]

يعني بكرا الحوادث بتكتر والله يجيرنا

[احمد الاسعد (ابو شريف)]

راحت المطبات ومرحبا بالسرعة
على كل حال عمرون ماعملوا مطبات
نظامية ممكن هالمرة بعد طول سنين نعرف نعمل مطبات متطورة

تحياتي

[احمد زكريا]

يعني عنا بالضيعة بدن يساوى مطبات نظامية
اذا بادلب ما في مطبات نظامية بقى بضيعتنا
الله المستعان احسن شي

[غياث]

B]الله يجيرنا بكرا كليوم مشكلي شكل بس لازيم يعملو غيرون ضروري من شان طلاب المدارس

[waseem]

لو يصلحو الطرقات اول شي بعدين يعملو مطبات لانو والحمد لله الطرقات مطبات بالأساس

[ferass98]

بس رغم هيك بصير سرعة المطبات ضرورية بس حسب الاصول واذا بكون مطابقة للمواصفات العالميمة او يركبو رادارات مشان السرعة

[mazenassad]

والله أخبار سيئة ياشباب عشان الحوادث والمشاكل
كنا مرتاحين اول بكرا شوفو المشاكل
الله يجيرنا

تحياتي

[fadias]

قرار إزالة المطبات مو لصالح الضيعة , اي نحنا مع وجود مطبات ما عم تخلص الضيعة من الحوادث , يعني منشان الي ما كان يقدر يسرع يسرع , على كل حال الله يستر من ها القرار

[الامير]

شكراوالله هاد خبرمو حلو الانه بكره النصاب بدو يعدي متل الصاروخ ورح تكتر الحوادث بلضيعه والمشاكل مابقول غير الله يلطف

[الامير]

والله ياشباب هلخبر مو حلو الانه بكره رح تكتر الحوادث والمشاكل
وما بقول غير الله يجيرنا من النصاب الانه بكره رح يطير

[محمد عبد المعين]

على اساس يا رفاق انو رح يشيلوا المطبات ويستبدلوا بمطبات صناعية بس الظاهر انوا هذا كلام على ورق بس المشكلة انن شالوا اخطر مطب واللي صار علي حوادث اليمة الي هو المطب اللي عند دار نوري الحاج طاهر وانا بناشد كل اللي بتهمن مصلحة الضيعة انو يرجع ها المطب عا القليلة

[محمد أحمد العلي]

احسن شي بكرى منحكيلكم بركي بركبوا رادارات من شان السرعة
هههههههههههه
بس خبر مو حلوااا
شكراا ابو خالد على الخبر

[عمر ابو هادي]

انو لو شايلين هامطب عند محل عادل خلونا اياه اهرا

[waseem]

القصة ومافيها انو في زلمي سراقبي راح لعند المحافظ وقلو بدي اشتري مطب قلو المحافظ ليش مين الي قلك انو عمنبيع مطبات قلو جاري مبارح دفع وحطولو مطب قدام بيتو وانا بدي مطب قدام بيتي قلعو المحافظ وقلو كرمالك رح شيل كل المطبات بالمحافظة وبالفعل اتنفذ هالشي

[نيربــــــي]

المطبات الي في الضيعه عاليه وقبلها او بعدها مجور

الله يهدهون ويعملو غيرهن اخف

[nayrab80]

والله ياشباب المطبات ضرورية بالضيعة وخصوصي حلبتي السباق القبلية والشمالية.
ولكن يحطوا مطبات نظامية بالتصميم تبعها يعني يكون المطب طويل وطلعتو والنزلة منه سهلة مو متل المطبات اللي كانوا حاطينهن بالحارة القبلية وبين المطب والمطب مطب آخر والله صرنا نكره ركبة السيارة بالأجازة
وشكراً على هالموضوع...

[نيربــــــي]

يعني خبرونا يعني شالوهن ولا بعد

[نيربــــــي]

تحذير للشباب

الأحكام المشدّدة التي قد تطال بعض مخالفات المرور وفق قانون السير الجديد والتي قد تصل في بعض الحالات إلى الحبس من شهر وحتى ثلاثة أشهر وبغرامة مقدارها 25000 ل.س
وبحجز المركبة وحسم ست عشرة نقطة،
في حال تجاوز حدود السرعة المحددة على الطرق وفي المناطقالم أهولة بمقدار يزيد على 40كم/سا عن السرعة المحددة

[مصطفى العلي]

شالوهم كلهم يا ابو محمد
انت عبتقول المخالفات وما مخالفات
تعال وقف سيارة شاحنة محملة بالحجار او التراب وماشي بنص الضيعة 60 كم يالساعة ومو سائل صاحبها عن حدا
ويلي بوقفه ببالك شو رح نادوه الناس ؟؟
الازعر والمشكلجي شو الو علاقة ليوقفه !!
؟؟؟
ولو جيت للقانون ما في قانون بيشد معك انه توقف السيارة
لان في شرطة وهني بيظبطو البلد
اي وين الشرطة شايفتهم بالضيعة؟؟؟!!!!!!!!!!
الله يرحمنا احسن شي

[wajeh japan]

لقد ارسلنا شكوى عبر سوريا نيوز من اجل بقاء هذة المطبات اؤ وضع بديل عن المطبات المزالة لان حيات اطفالنا اههم بكثير من السيارات آمل ان تلقى جدوى.............الرقم : 28902الموضوع : اطفالنا في خطر في النيرب نص الشكوى : لقد عانينا في السنوات الماضية كثيرا من السرعة الزائدة وكثرة الحوادث المميتة التي ذهب ضحيتها اكثرمن طفل وسببت عدة إعاقات لعدة اطفال في هذة القرية وكان السبب عدم وجود مطبات..فالمطبات التى ازيلت موجودة في شارع مأهول بالسكان والاطفال والمدارس وحدود السرعة في هذا الشارع يجب أن لا تتجاوز/30/ ك/ طبعا هذا للذين عندهم إطلاع في قوانين السير اي ان المطبات لا تؤثر على آلياتهم.. ولكنها تؤثر على اؤلئك الذين لايحملون رخص قيادة ويستعملون أليات بدون لوحات وعددهم كثير في هذة القرية وبدون محاسبةالتاريخ : 2009-04-04الجهة : وزارة الإدارة المحلية والبيئةالمحافظة : ادلب العنوان : النيربالمنطقة :وسط المدينة
(http://www.syria-news.com/wilive/)

[خالد عبد الهادي]

ياشباب والله الموضوع بدو متابعة ولازم ما تنشال المطبات كفانى حوادث كل صيفي أكتر من 5 حوادث وبقولوا بعدين قضاء وقدر ونصيب