تعالو لنتفاهم ( الرجاء دخول جميع الاعضاء)

[مصطفى العلي]

السلام عليكم3

شو قصتكم يا شباب ؟؟؟
وبعدين قلولي شو هوي الحل
اذا واحد انتقد بتنقدوه واذا واحد جامل كتير بتنقدوه واذا واحد ما كتب رد بتنقدوه
طيب انتو احرار اكتبو شو ما بدكم بس ياريت الرد يكون ضمن الادب
يعني فرضا انا ما عجبني الموضوع حر ان اكتب ما عجبني الموضوع بس ما في داعي اكتب او اوجه اي كلام لكاتب الموضوع
واذا صاحب الموضوع شاف ردود انتقاد للموضوع
ما لازم يكتب رد سيئ عليهم يعني فرضا واحد كاتبله الموضوع ما عجبني
يردله شكرا لردك حتى لو كان منتقده فيه
وهيك بتزيد الالفة بيناتناوبتتحول الخلاف الى تفاهم
ما بدنا عدائيات يا شباب
وشايف الكل عبيتحسس من اي كلمة
خلي هالموقع يجمعنا بالفة ومحب لاننا بنيناه من شان زيادة التواصل بين اهل القرية ما بدنا ننبذ المشاكل بيناتنا بدنا زيادة وصل بين اهل النيرب جميعا مبتعدين عن كل العنصيرات والطائفيات لاننا كلنا اهل واقارب واخوة ان شاء الله
وهلأ بتمنى من كل عضو انتقد عضو آخر وعرفه ان انزعج منه يعتذر منه وخليها تتصافى القلوب
والله يديم المحبة بين الجميع
تحياتي للجميع

[مصطفى العلي]

وانا اول الناس بعتذر عن كل شخص رديتله وتحسس من ردي

[راشد اسعد]

شكرا يا صطيف انا معك,,

انا بتمنى من الكل ياخدوا كل شي بروح رياضية بس في اعضاء ماعندهم احترام ابدا لا للموضوع ولا للردود ولا للادارة ولا لفرق العمر,, بتعرف مين قصدي؟؟


بتمنى الكل يعتبر وانا بالنسبة لي مابزعل ولا بصيير عندي حساسية

وتقبل مروري

[fadias]

أنا برأيي إذا حدى شاف موضوع او ما عجبو أو حابب ينتقد مافيها شي , بس يكون اللإنتقاد للموضوع مو لصاحب الموضوع , ويكون بأدب هيك محدى بيتحسس من حدى , لأنو بصراحة ها الظاهرة تكررت كتير با الفترة الأخيرة وصارت انتقادات مو كويسة أبدا , لاتنسو أنو نحنا هون ولاد ضيعة ومافي داعي للحساسية الزايدة , وأنا برأيي يا مصطفى من يوم ورايح اللي بينتقد صاحب الموضوع أو بوجهلو كلام مو كويس تعملو بلوك , هاد أفضل حل

[fadias]

صحيح , وانا معك أبو أحمد , بس يا صطيف صارت ها الظاهرة كذا مرة , انو اللي عم ينتقد , عم يوجه الكلام لصاحب الموضوع , مافيها شي يا جماعة اذا واحد انتقد الموضوع والله عادي , يا ريت من الكل ينتبهو لها الناحية

تقبل مروري

[نيربــــــي]

الشباب هيك وكل واحد بدو يمزح مع التاني انت بتعرف الشباب
عادي هدا المزح بيناتهم بس الشباب عم يتحسسو لان على النت ومرئي للكل
بس مايصر زعل بالاخير




تحياتي

[مصطفى العلي]

ما بظن يا فادي ان لحتى الآن حدا انتقد صاحب الموضوع
بس صاحب الموضوع بيتحسس من الرد بفكر الرد لاله لشخصه يعني
هون بردله برد قاسي بيرجع التاني بيعصب من رده وهيك عبصير معنا
بقى يا شباب قلونا من هلأ مين يلي ما بيتقبل الردود الناقدة من شان ما نضيف على مواضيعه اي رد
وعلى فكرة الردود سوف تظهر لنا من هم يتقبلون الردود الناقدة ومن لا يتقبلها
بانتظار مشاركة الجميع

[راشد اسعد]

طيب يا نيربي اذا واحد مارد على موضوع ,, رد عليك شخصياً ومزح معك وانت مابتعرفه برأيك بتتقبل هالشي


لالالالالالالالالالالالالالالالالالالا


شكرا وتقبل مروري

[مصطفى العلي]

ما هاي هي المشكلة النالكم مية مرة كل واحد يحط اسمه حتى لو بالتوقيع من شان ينعرف بجوز واحد يضيف رد مزح مع العضو التاني لانه بيعرفه بس المشلكة ان التاني ما بيعرفه بلاقي الرد قاسي عليه برد عليه برد اقسى وهون الناس بتشوف الردود بفكرو في شي وهوي عبارة عن مزح قبل ما يتعرفو على بعض

[fadias]

أبو أحمد لعيونك لا تريد الا نزلك بكرة قصة بتعجبك من قصص أيام زمان ( حم ) بس مو بأسم نفس الشخص , لازم نوسع مواهبنا شو رأيك ؟

[راشد اسعد]

شكرا ابو توفيق

جزاك الله كل خير

[خالد عبد الهادي]

كلامك صحيح 100 % وبتمنى من الشباب الي صارت بينون حساسي راجعوا أنفسون

[ابو لمار]

يا جماعة صار حكينا بالموضوع أكتر من مرة وقلنا
أنا اليوم لما عم رد على موضوع شو من كان يكون أنا الي حرية الرد مثلا اذا كان الموضوع من أجمل ما يكون ومتكامل من كل النواحي وانا جيت كتبت والله ما عجبني وشكرا الك وتقبل مروري
وين المشكلة؟؟؟أو وين الغلط بها الشي؟؟؟؟؟
هاي حرية تعبير.....
وفي مواضيع بتكون أقل من عادية وانا شكرت صاحبها عليها مع العلم انه الموضوع غير جيد ما في مشكلةبس ما بقدر خلي الناس تقول اته موضوع جيد
وبالنسبة لأي رد عم يكون على الموضوع بس عم يكون في ناس الله يهديها عم تاخد الرد على حالها وهذا مو مشكلتي انا أو اللي عم يكتب رد يا جماعة والله نحنا عايشين بسنة ال2009 واللي بدو يتحسس من أي رد أنا برأيي ما يكتب!!!!!!
وانا هاي عم قولها لكل أعضاء المنتدى الكرام ياخي أي شخص بيشوف موضوعي غير جيد يكتب لي مو من شان انه اله معي تار شخصي لااااااااا ولكن من شان أعمل على الموضوع الثاني بشكل أفضل
لأنه لما بيكون الموضوع غير جيد وتعليقات تطبيل وتزمير رح نضل مكاننا ما رح نتقدم ولا خطوة وبالعكس الموضوع اللي صار علي الجدال بالرغم من انه عادي الا انه صار عليه ردود كتيرة وزوار أكتر وصار له متابعة أفضل ليش؟؟؟؟؟؟
لأن تواجد فيه عنصر الرأي و الرأي الآخر زمن خلال مشاركاتي اللي شفته أنا أي موضوع عم يصير في نقاشات متعارضة واختلاف آراء عم يصير عليه متابعة أكتر من غيره
أنا هذا رأيي وجاهز لأي نقاش


وتقبلوا مروري جميعا

[ابو لمار]

وأنا برأيي يا مصطفى من يوم ورايح اللي بينتقد صاحب الموضوع أو بوجهلو كلام مو كويس تعملو بلوك , هاد أفضل حل

هذا هو رأيك يا فادي ؟؟؟؟؟؟؟؟؟؟
ليش مين عم يعلق على كاتب الموضوع ؟؟؟؟؟
في كتيير ناس عم تدخل بأسماء مستعارة
وما حدا بيعرف حدا أنا لما عم اكتب نقد
يا ترى عم يكون الي معه تارات شخصية؟؟؟؟؟؟؟

[خالد عبد الهادي]

ياشباب بدنا حل يتوافق مع الكل أبو شريف انتي بتقبل الرد لانك موضوعي وبتتفهم الموضوع بس غيرك يمكن غيك ما يتقبل النقد لان ما عم تعرف الشخص الي عم ينقض موضوعك
أنا وحسب رأي المتواضع نبحث على حل يتوافق معو الجميع وهل الشي مهمة الادارة

[لؤي ابو الطاهر]

والله حكينا بما فيه براي كل واحد نيزل باسم تاني ينزل باسمو ما بعرف اذا اسمو مو عيجبو ولي عجبو موضوع ايرد علي ولي مو عجبو لا يرد ابدا تحياتيللشباب جميع

[مصطفى العلي]

ياشباب بدنا حل يتوافق مع الكل أبو شريف انتي بتقبل الرد لانك موضوعي وبتتفهم الموضوع بس غيرك يمكن غيك ما يتقبل النقد لان ما عم تعرف الشخص الي عم ينقض موضوعك
أنا وحسب رأي المتواضع نبحث على حل يتوافق معو الجميع وهل الشي مهمة الادارة


الحل انا طرحته يا شباب كل واحد مابدو حدا ينتقدو بالموقع يحط اسمه الكامل بالتوقيع وهالشي مارح يقلل من قيمة حدا ولا رح يأثر عليهم شي

تحياتي

[ابو لمار]

يا خالد أنا برأيي اللي ما بيتقبل النقد
ما في داعي يشارك لأن اي شي بالدنيا ما في تضداد مو حلو
يا زلمي شبك لولا وجود النار ما حدا عمل للجنة
وتقبل مروري

[احمد الاسعد (ابو شريف)]

ياجماعة الحساسية مارح نخلص منها
بعض الناس انتقدوني لما حكيت بصراحة عن حلمي والبعض انتقدني على ردودي بس حابب خبر جميع أني مو قاصد انتقد حدا ولا جاي رد على حدا انا جاي حتى نكون كلنا يد وحدة ونرتقي بموقعنا للأعلى

تحياتي

[محمد عبد المعين]

انا برايي ياشباب انوا كل موضوع ما بيكمل الا با النتقادات واي موضوع با العالم ولو كان كاتبه من المشاهير فانه يفضل الكاتب ان يعرض موضوعه على النقاد قبل ان يطرحه في الاسواق والنقد هو مرحلة دراسية عليا وانا شخصيا اذا نزلت اي موضوع بتمنا انوا يكون عليه نقد لانوا من النقد بعرف اخطائي وشكرا

[احمد زكريا]

انا بتوقع انو ما في حدا برد بهدف التجريح واذا وجد هالشي بيكون قليل كتير ولازم نتجاوزه

[SPIDER]

انا براي المتواضع انو اغلب المواضيع الي عم تنطرح في المنتدى مواضيع منقولة من منتدايات اخرى وفي جزء بسيط منها بكون اراء شخصية واخبار عن الضيعة بس الاغلبية منقولة من منتديات اخرى يعني اي انتقاض او رد عليها مارح يكون اله اثر كبير في نفس ناقل الموضوع بالعكس لازم يرحب بهاد الشي

و في النهاية الاختلاف في الراي لا يفسد للود قضية

مع تمنيات في قبول مروري

[ferass98]

من وجهة نظري انو الموضوع اخد حجم اكبر من حجمو بكتير

ولكل شخص حق التعليق اذاكان التعليق على الموضوع اما بنسبة لطريقة التعليق اكيد اذاكان فيها

شي موجه لصاحب الموضوع وهاد شي نادر بيكون الشخص عبر عن نفسه والمفروض مانرد عليه

والاهم انو نحنا مو غرب عن بعضنا كلنا اقارب من قبل مايكون في موقع للنيرب وفهمكم كافي

والكل و بدون اثتسناء محترمين

لاتنسو فارق الاعمار بين الاعضاء و هاد الشي الي لازم نحطو بعين الاعتبار ( الكبير بيستوعب الصغير )

وتحياتي للجميع وانا بعتذر اذا يوم رديت بطريقة مو منيحة شكرا

[مصطفى الحسن]

السلام عليكم
احبتي بالبداية اشكر مصطفى على طرحه الصريح والذي يساهم في حل بعض الاشكاليات بالموقع
بالنسبة لموضوع الردود والمشاركات كما تكلم مصطفى في حال كل واحد منا سجل باسم مستعار وبين بالواقع مين هوو وشو اسموا الحقيقي رح يصير تفاعل اكتر ومسؤولية اكتر اتجاه الموقع و اتجاه المشاركين
ورح نصير نعرف نرد ونكتب على كل واحد لانو معروف بالنسبة لإلنا مين
وتاني شغلة متل ما حكوا الاخوان انو معظم المواضيع نقل بتلاقي تفاعل بسيط على موجب المواضيع المطروحة للنقاش او المواضيع اللي بيكون ناشرها هو اللي كاتبها لهيك انا بدعو جميع الاعضاء لتفاعل اكثر من هي الناحية
وشكرا

[محمد عبد المعين]

انا برايي الشخصي انو عيب واحد يدخل باسم مستعار لانوا با النهاية هادا موقع للضيعة اللي كلياتنا ابنائها ولازم ماحدا يخبي اسموا ويستعمل اسم مستعار واسف للتجريح

[خالد عبد الهادي]

انا برايي الشخصي انو عيب واحد يدخل باسم مستعار للتجريح
هدا رأيك الشخصي بس ياريت لو عندك مصطلح غير كلمة عيب مجرد نصيحة
وتقبل مروري

[ابو لمار]

الموضوع صار له اكتر من شهر ونزل بعده أكترمن قرار
وصارت قضية الأسماء أكبرمن قضية فلسطين
وتقبل مروري

[مصطفى العلي]

على اساس دخلنا لنتفاهم مو دخلنا لنختلف
مرة تاني بقلكم نحن اهل واخوة وبتمنى من الجميع فهم الردود التي تنزل قبل الرد وعدم التكلم عن الآخرين مرة تاني
والا سوف يكون هالمرة الرد قاسي
وشكرا لالكم يا شباب
تحياتي

[nayrab80]

باختصار : التزام الأدب في النقد ويكون هادف مو للمسخرة
وتخفيف المزح الزائد عن حدو بين الشباب مشان ما يصير زعل

[waseem]

الله يعطيكن العافية كفيتو ووفيتو مافي داعي كل هالشي انا طلبت من مصطفى من الاول لازم يعرف كل واحد بيشترك بالموقع مين هوة تفاديا للمشاكل والحساسيات مشكور ابو كامل عالموضوع

[خالد عبد الهادي]

انا طلبت من مصطفى من الاول لازم يعرف كل واحد بيشترك بالموقع

بالفعل فكرة ممتازة مشكور وسيم