مارأيكم في مواضيع الموقع

[ferass98]

سوال لكل الاعضاء ::::

شو رأيكم بالمواضيع اليومية على موقع النيرب بالنسبة الى عددها واهميتها

وهل من الممكن انو نختصر منها شي بقصد ما نضغط على الموقع ولا كل المواضيع

ذات اهمية وغير مستغنى عنها .......


طبعاً بتمنا من الكل انو يرد بكل صراحة بدون تحديد اي موضوع اذا كان في مواضيع بنظرو غير مهمة

بكل بساطة انا الي حابب ان وصله الكم يكون في مواضيع قليلة ذات اهمية ومشاركة من جميع الاعضاء افضل من خمسين موضوع بدون تعليق او ردود وبنستفيد كلنا من ردودكم المفيدة و تحياتي للجميع

[مصطفى أسعد]

والله انا برأي انو في 80% من المواضيع مالها أهمية وعادية وشي تاني هو كترت المواضيع اللي بتنزل خلال اليوم يعني شو فائدة الموضوع اذا ماحد قرأو انا بالنسبة الي ماعم الحق اقرا مواضيع لحتى ارد عليها او حتى انزل موضوع جديد ويا ريت لو في امكانية تحديد لكل عضو موضوع باليوم وبس وشكرا الك يا فراس على هالموضوع اللي طرحتو لان صرلنا زمان بنطالب بوضع حد لهالشي.

[ابو لمار]

مع احترامي الشديد لكل الأعضاء اللي بدها تعلق من بعدي أو علقت
بالنسبة للمواضيع في الموقع منها المهم ومنها العادي ومنها الأقل من عادي وجميعها متابعة
من الممكن أن تكون مواضيع الصور الأكثر مشاهدة وأنا لا تعجبني هذا يعني أنه تلك المواضيع عديمة الأهمية؟؟؟؟؟؟
أكيد لا وهذا ينطبق على باقي المواضيع من حيث النوع لكل موضوع متابعيه
أما من حيث المشاركات فهذا الأمر يعود على كل شخص
فمن الممكن أن اكتب موضوع واحد ليس كل يوم انما كل اسبوع وقد لا يلقى متابعة وردود!!!!!!!!!
ومن الممكن أن أكتب كل يوم أربعة أو خمس مواضيع
وكلها متابعة وعليها ردود!!!!!!!!!!
هذا يعني أن متابعة الموضوع وجودته وكثرة الردودلا تعتمد على الكم ولكن على المضمون
وبرايي الشخصي الموقع متكامل من حيث نوعية المواضيع من سياسة ودين وثقافة وتسلية وصور ونقاش ووو...................
ولكل موضوع محبيه
شكرا الك على الموضوع القيم والمفيد
وتقبل مروري

[خالد عبد الهادي]

مع احترامي لكل آراء الشباب ما حدا بقدر يفرض رأيوا على حدا
بالوقت الي بشوف أحدنا موضوع عادي يمكن لاقي أنا موضوع مهم وبالعكس أحيانا
أنا شخصيا كتبت موضوع في الموقع بعض الاشخاص وجد الموضوع ما بيستاهل الرد بينما البعض الاخر وجد انو موضوع مهم ومفيد ............. أنا يمكن بحب الاخبار الرياضية وغيري ما يحبها والبعض بيفضل النكت أو السياسة أو العلوم بالنهاية ما بنقدر نقول عن أي موضوع تافه أو غير مهم بالحكم المطلق
وشكرا على هل الموضوع

[راشد اسعد]

انا بشجع فكرة تحديد عدد المواضيع اليومية,,
بضم صوتي لصوت أبو شريف وأنا رأي تماماُ مثل رأيه

ومشكور على الموضوع

تحياتي

[خالد عبد الهادي]

يعني كيف تحديد عدد المواضبع اليومية يعني بنسمح على سبيل المثال 40 موضوع يوميا فيمكن يعدي يوم ما ينضاف في هل العدد أبدا ويمكن ينضاف أكتر من هيك أنا بقترح توسيع نطاق الاشراف الي قادر يضبط هيك أمور

[ferass98]

مع احترامي لكل آراء الشباب ما حدا بقدر يفرض رأيوا على حدا


ما بنقدر نقول عن أي موضوع تافه أو غير مهم بالحكم المطلق

شكرا على ردك بس انت رديت على موضوع تاني لانو الموضوع الي عنا بينطوي على انو نسمع رايكم

ماحدا فرض رأيو عليك او قال عن موضوع تافه وبتمنا يكون الرد بس على الموضوع مو على الرد

ومرة تاني شكرا الك

[خالد عبد الهادي]

أنا كان ردي على Wildlion
وبالنسبة للموضوع كلامي كان واضح أنا ضدد حذف أي موضوع يضاف ومع تعدد المواضيع حتى لو كانت مو ذات أهمية لأن ما في قاعدة عامة بتقدر تعطي قيمة للموضوع تنطبق على الكل وبظن إنو موضوع للنقاش بين الأعضاء وين الغلط انو نتناقش بالردو وتقبل وجهت نظري وشكرا كتييير على متابعتك لردي
ومشكور لموضوعك

[ferass98]

مافي اي مانع انت حر بترد بالطريقة الي بتناسبك

بس انتي استخدمت كلمة تافه مع العلم انو لا ابو شريف ولاغيرو ذكرك هيك كلمة

وشكرا اللك وبتمنا ماتفهمني غلط

[خالد عبد الهادي]

لا أنا عم بحكي بشكل عام وكلمة تافه انذكرت في كتييير من الردود حتى صارت معي أنا أحد الأعضاء قال عن موضوع لي تافه وأيضا صارت مع أبو شريف وكل واحد حر والرد مارح يكون على الشخص على الموضوع

شكرا كتييير أنتي لا تفهمني غلط

[mazenassad]

أنا رأي ياشباب أنو موضوع واحد كافي لليوم وأرجو من الآعضاء التقيد باهاالشي
لآنو من كتر المواضيع أنا ماعم شوف شي ابدا ,,, وهيك كتير مواضيع عم بتروح منا
ياشباب كأنو عم نسابق... أسمحولي قول
في كتير مواضيع تافهة وغير مفيدة

شكرالكم وتقبلو مروري

[fadias]

با النسبة لهاد الموضوع , المواضيع المفيدة لازم نكتر منها , يعني مو معقول نحدد مواضيع لقسم الاسلاميات والأدعية مثلا, بس ممكن مثلا نحدد لقسم النكت , بدون تشابيه , والشغلي بإفادة المواضيع مو بكترتها
( خير الكلام ما قل ودل )
تقبلو مروري

[ابو لمار]

ياجماعة الموضوع واضح وهو ما رأيك بمواضيع الموقع وليس بردود الموقع
وانما لو سمحتم لي بتوضيح سوء التفاهم الذي حصل
ان رد خالد كان على موضوع طرحته أنا بردي على الموضوع الأساسي
وهنا كان سوء التفاهم هدووووووووو اللعب شوي
وأحلى شباب
وتقبل مروري

[مصطفى العلي]

تكرم عينكم يا شباب قريبا رح تنحل المشكلة

[ابو لمار]

ليش ابو كامل وين المشاكل الله لا يجيب مشاكل ولا زعل
الموضوع عبارة عن حرية رأي وتعبير لكل واحد والنقاش السليم والبناء كتيير حلو ولازم ومهم
لتقدم الشعوب ونحن
نلتقي لنرتقي
وتقبل مروري

[مصطفى العلي]

قصدي مشكلة الضغط يلي صاير على الموقع وبظنها بهالطريقة رح تنحل :
http://www.nayrab.com/vb3/showthread.php?p=14455#post14455

[nayrab80]

أنا رأي ياشباب من رأي مازن أنو موضوع واحد أو تنين كافي لليوم وأرجو من الأعضاء التقيد باهذاالشي لآنو من كتر المواضيع أنا ماعم نشوف شي ابدا بدها واحد يكون متفرغ للموقع ليلحق... أسمحولي قول في كتير مواضيع غير مفيدة صف كلام وخصوصي الرياضية منها (وهذا رأي شخصي).
وللأسف أنو المشاهدات الردود على المواضيع الدينية أقل شي.
شكراً عالموضوع

[رونق]

اخ بس يعطيكون العافيه

[ابو لمار]

أسمحولي قول في كتير مواضيع غير مفيدة صف كلام وخصوصي الرياضية منها
شكرا على رأيك
بس الموضوع لما نزل ما حدد وقال شو هي المواضيع التافهة؟؟؟؟؟؟؟؟؟؟؟؟
واذا انت ما بتحب الرياضة وانت حر بها الشي
هذا لا يعني أن مواضيع الرياضة تافهة
وشكرا كتييير على صراحتك وردك الصريح
وتقبل مروري

[خالد عبد الهادي]

أسمحولي قول في كتير مواضيع غير مفيدة صف كلام وخصوصي الرياضية منها (وهذا رأي شخصي).
.



شكرا كتيير لرأيك وأنا بحترموا
بس أنا وبعض الشباب أهم شي عندي المواضيع الرياضية والنقاش فيها

[احمد زكريا]

يا شباب التنوع كتير حلو بس لازم نرتقي بالموقع بنقاشات ايجابية مثمرة يعني متل مشاكل القرية او مشاكل الشباب او العادات والتقاليد التخانة بالقرية عنا ولاحظت انو من فترة قريبة بس صاروا الشباب يهتموا بهيك مواضيع وبالنسبة لتحديد عدد المواضيع شي ممتاز كتير

[anas123]

في الشعب العربي ما في آراء متطابقة كل واحد بيحكي رأي مختلف انا برأي انو في 4 اعضاء عبنزلو مواضيع مهمة بدون ذكر اسماؤن انا بظن معروفين و الباقي مواضيع كلها للتسلية و الضحك و مالا اهمية و طبعا الشكر للجميع

[وليد اسعد]

يياشباب انا معكن بس ماعباخد راحتي بحض المواضيع

انا بضم صوتي لصوت ابوشريف




ورووووود