من يريد اغلاق الموقع

[حسام كامل العلي]

السلام عليكم ورحمة الله وبركاته


أول شي حابب اعرف رأيكم بالموقع جميعاً وبدي من الجميع الرد بصراحة وبدون خجل
في بعض الناس من تحت لتحت الحكي طالع نازل على انو الموقع مو لازم وانو للكالات وللحكي الفاضي
فياريت يلي مو عاجبو الموقع يحكي بصراحة وبدون خجل
ويلي عبينزعج من وجود هل الموقع لا ينزل عليه

وارجو من الجميع الالتزام ضمن حدوده بالمواضيع وبالردود حتى ماتسبب المشاكل لاغلاقه .....وشكرا


ورووووودتحياتي

[خالد عبد الهادي]

ويلي عبينزعج من وجود هل الموقع لا ينزل عليه

أنت عطيت الحل للي مو عاجبوا الموقع
الموقع أكثر من رائع وارضاء الناس غاية لا تدرك

[علي احمد العلي]

لاعزاء للحاقدين ... فليحيا موقع النيرب ...وشكرا
:156cc517af78d689db0

[مصطفى العلي]

اي والله يا ريت الكل يجاوبنا بكل صراحة
شفتو بس لو مرة نزل موضوع بضر انسان
او موضوع بيحكي على فلان
او خبر خطبة مو نظامية او لو مرة نزلنا متل ما عبيحكو صاحبين الكالات ان نزلنا خبر طلاق !!!!
او اي شيء مسيء للنيرب ولاهلها
نحن بانتظار جميع ردودكم ياشباب
لان في ناس مبغضين وحقودين عبيحكو بالضيعة كل هالكلام وان موقعنا هو موقع للشرشحة و للتكلم على الآخرين آل نحن عنزل أخبار كاذبة
وآل برأيهم لازم يتسكر الموقع
بقى عطونا رأيكم بكل صراحة وشفافية

[مختار الدرعية]

موقع رائع و كل الأعضاء المشاركين و كذلك المشاركات

و أفضل شيء هو آلية التواصل و متابعة أخبار النيرب داخلها و خارجها

و كل الشكر لكافة العاملين على هذا الموقع

[محمد أحمد العلي]

يا شباب من الاخر كلمين
الي \عندوا كتر حكي وكالات
يخلي شوي للعيد احسلوا
لانوا بعدين بخلص الحكي معواااااا
شكراا ابن العم

[احمد الاسعد (ابو شريف)]

معروف مين بيعمل كالات وحكي فاضي بالنيرب
ولو ما أبو كامل موصيني ما أحكي أسماء لنشرت غسيلون بالموقع وكل مين بدو يعمل كالة أو مفكر حالو لساتو على سراج خيلو يروح .......... وينام
والموقع كتير كويس واللي بدو يسكروا أو عم يحاول يعمل كالات ليسكروا فنحنا مو سائلين على حدا واذا فيه يسكروا خليه يحاول لشوف شو بدو يطلع معو
وتقبل مروري أبو كامل وأحلى موقع وأحلى أعضاء

[waseem]

والله موقع ماعليه حكي ابدا والفضل كلو لمصطفى والشباب الطيبة بس للاسف في بعض العالم عبحاولو يخلقو فتن بين الاعضاع وينزعو بتعليقاتن ومواضيعن سمعة الموقع ومتل ماتفضل السيد حسام يلي مو عاجبو الموقع لايفوت عليه ومشكور عالموضوع

[ابو لمار]

واذا اتتك مذمتي من ناقص
فهي الشهادة بأني كامل
................!!!!!!!!!!!!
هذا الكلام أنا برأيي هو نتيجة النجاح والتقدم الرائع اللي أحرزه المنتدى بمشاركات أعضاءه الكرام وعمل ومتابعة مشرفيه الأشاوس
وعلى رأسهم مدير الموقع الغالي ابو كامل المحترم ومعليش ابو كامل بدك تتحمل الأحمق قبل العاقل وهذه هي ضريبة النجاح
وتقبلوا مروري

[ابو لمار]

تذكرت بعض الكلمات اللي خبرنا اياهم استاذ حسن حاج علي الله يجزيه الخير وحبيت اني خبركم اياهم:
يقال ان العلماء والمفكرين قسموا البشر على اربع مجموعات وهم:
1-منهم يدري ويدري أنه يدري فذاك عالم فخذ منه
2-منهم يدري ولا يدري أنه يدري فذاك طبيب ناس فذكره
3-منهم لا يدري ويدري أنه لا يدري فذاك جاهل فعلمه
4- ومنهم لايدري ولايدري أنه لا يدري فذاك أحمق فابتعد عنه
(وما أكثرهم في زماننا هذا)
وتقبلوا مروري
وتقبلوا مروري

[ام عبد الحميد]

الموقع ممتازوالله يعطيكم العافية .....بكفي أنو وصلنا مع قريتنا الحبيبة وأخبارا وصورا ....والموقع محترم والأعضاء محترمين وماشفنا من الجميع إلا كل خير. .وإذا كتر الكلام عن الموقع فهذا معناه النجاح لموقعنا...........
والله يجزي صاحب الموقع كل خير وكل من ساهم بتطويره وإنشائه...
وتقبلوا مروري.....

[walid]

السلام خير ما نبدأ به الكلام
هاد الموضوع مطروح لأعضاء الموقع
وانا بعتقد انو الي مو عاجبو الموقع ما بصير عضو
والموقع كتير حلو بس متل ما حكو الشباب يعني في ناس بتعارض كل شي
هيك بس من شان ينظرو ويحكو كلام فارغ وبلا طعمة
.
والله يسلم ايديك يا ابو كامل والموقع صاير همزة الوصل بينا وبين ضيعتنا
وانا ما بظن انو في حدا من الاعضاء مو عاجبو الموقع وعم يسعى لتسكيرو

[احمد الاسعد (ابو شريف)]

اللي عم يعملوا كالات وبدون الموقع يتسكر مو من الاعضاء
هدول جماعة الكالات بالضيعة!!!!!!!!!!!!!

[عمر ابو هادي]

:156cc517af78d689db0والله عيب موقع لاكلام عليه عالاقل عم يجمع كل اهل الضيعة المتغربين معنا واللي حابب يسكرو يسكر تموا ويدور على شي لعبة يتسلى فيها

[راشد اسعد]

أنا مع هذه المقولة ( طنش تعش تنتعش ) الكلام كثيير و الأقاويل أكثر وضيعتنا هيك من زمان وماراح تصيير لأن الدنب الأعوج إذا ركبوه مية سنة بالقالب رح يضل على ماعليه وهي أصحاب الكالات والكلام الفارغ بالضيعة..
بالنسبة للكالات بشكل عام حتى وأذا كان الكلام علي وشو ماكان بعتبر اني حطيت شحاطة بتمه,, فوراً بنسى كل شي لأن (الكلب بيتم بيعوي ليسكت لوحده).
أحلى موقع
أحلى مشرفيين, بس ماعدا خالد
أحلى أعضاء
أحلى شباب وصبايا
و طاخ طاخ طاخ طاخ... الله حيو ,, ههههههههههه

[خالد عبد الهادي]

أحلى موقع
أحلى مشرفيين, بس ماعدا خالد
أحلى أعضاء
أحلى شباب وصبايا
و طاخ طاخ طاخ طاخ... الله حيو ,, ههههههههههه

شو أبو أحمد انت بعرس لأحمد تلاوي
بس أنا عندي سؤال صغير إلي عم يحكي إنو الموقع لازم يسكر بيعرف يشغل الكمبيوتر

[مصطفى العلي]

إنو الموقع لازم يسكر بيعرف يشغل الكمبيوتر
ما هي اكبر مشكلة ما بيعرفو يشغلو الكمبيوتر وعبيحكو طالع نازل ان في هيك وهيك بالموقع وهوي سبب للكالات وللمشاكل

[ابو لمار]

ما هاي هي المشكلة انه اللي عم يحكيما بيعرف الانتر من الشيفت
وبس بحب العلاك.............
وما بدي احكي اكتر من هيك من شان ما نعطي أكتر من حقه ونعمل له قيمة
وتقبل مروري

[احمد زكريا]

يا شباب الموقع الحمد لله ناجح وعبيثبت وجودوه يوم بعد يوم وهاي ضريبة النجاح متل ما بتعرفوا الناجح على طول ما في اكتر من اعدائه لهيك لازم تفرحوا وخلي العالم تحكي حتى الله يفرجها لانو الحكي ببلاش وما عليه جمرك

[اميرة الزهور]

بالعكس نحنا ماصدقنا انو صار عنا موقع نتواصل مع اهلنا واحبابنا بالقرية الغاليةمن اخبار وصور
هي هي ضريبة النجاح الي عجبو موقعنا اهلي وسهلي فيه والي ماعجبو ماحدا غصبو يدخل عليه
بشكر صاحب الموقع على هالانجاز الي ماصار عنا متلو بالقرية
وبشكر المشرفين والاعضاء جميعا على انجاح هاد الموقع
وتقبل مروري

[لؤي ابو الطاهر]

خير الكلام ما قل ودل هادا كلو حكي فاضي والله نحنا بدنا نعمل كالات لحالنا وبدنا نحكي علا حالنا ما حدا الو علاقة فينا ولي عبيحكي ايجيب اسبات انو عبينحكا علي بلموقع ولكل حادس حديس ولي مو عاجبو الموقع لا يفوت علي ابدا واحلا شباب واحلا ابو كامل ولي مو عاجبو الموقع لا يفوت علي

تحياتيللشباب جميع

[محمد عبد المعين]

انا من البداية قلت رأي با الموقع ولازلت مصر وباكد انوا الموقع احلا شئ لاهل الضيعة وانا هلأ مستعد انو برهن للحساد اللي عبيحكوا عن الموقع وجبلن 1000 صوت بيايدوا الموقع وبيشجعوا

[anas123]

ها الموقع حضارة و الي بدو يسكرو بكون دقة قديمة و المستفيد منو 80 بالمئة من النيرب و المغتربين اكثر شيء و شكر خاص لصاحب الموقع و الله يزيدو و لا يرد على الحكي الفاضي تحياتي

[kamel]

ياشباب الموقع تمام والله يعطيك العافية يا ابوكامل وسلام لا كل الاعضاء

[جهاد اللورد]

اول شي بحب اشكر كتير اللي راعين موقعنا المحترم,,,,,, ومتل ما علقو الشباب وتفضلو وانا بأيدهم انو الموقع وسيلة فعالة للتواصل مع القرية الغالية ووسيلة للتواصل مع الناس المحترمين فيها والموقع ليس سوى وسيلة لنعرف ماذا يدرو في القرية من اخبار مفرحة ............ الخ .... على كل حال الله يصلح الاحوال ويرجعنا لطريق الصواب مع كل احترامي وتقديري للجميع ورووووود

[wajeh japan]

هذا الموقع كان في البدايه مجرد فكرة صغيرة وموقع صغير ومع مرور الوقت اصبح فيه اعضاء ومشرفين واصبح موقع يتصفحه كثير من شباب النيرب في جميع البلدان واصبح موقع جميل ومسلي وهوا صلة وصل بين جميع المغتربين ويعود نجاح هذا الموقع لجهود وصبر وطموح مدير الموقع ...وسوف يصبح اكبر وذو أهمية مستقبلا حسب رآىي انا ..واما الناس الذين لا يرغبون بوجود هذا الموقع فلا اظنهم من المغتربين وهم ليسو بحاجة لمواقع او انترنيت يكفيهم الذهاب /لغربي الضيعى/ فثابرو الى الامام مع افكار جديدة ومفيدة واتمنى لكم التوفيق

[nayrab80]

:156cc517af78d689db0 يعني نحن وخصوصا المغتربين منا ماصدقنا أنو صار عنا الحمد لله موقع مميز يجمعنا مع بعضنا بالمشاركات والصور والأخبار والتهاني والتعازي وو...
بس مابعرف أهل الضيعة ليش هيك, عنا كل واحد دولة مسقلة لحالوا إذا عالشيخ وخطبتو بيعترضوا فالموقع شغل بسيطة.انا بقول لصطيف طول مانت صح ماترد على حدا واللي منزلوا خبر سيء يراجعك.

[مصطفى العلي]

شكرا لردودكم وتعاطفكم يا شباب

[حسين الأحمد]

بضم صوتي لصوت الشباب وبقول انو هاي ضريبة النجاح بعد النجاح الكبير للموقع
وانتشاره بين عدد كبير من متصفحي الانترنت لأهالي النيرب
ومنهم المغتربين أكثر شيئ
أبو كامل انشاء الله الموقع من رح يضل مفتوح ويضل منتدى الاحبة والاصدقاء يجمع كل المغتربين مع اهلهم واصدقائهم
وعندنا ناس بالضيعة شغلتهم يوقفو بوجه كل شيء ناجح
أو مفيد للقرية وبيعملو بعكس الاتجاه
تقبلو مروري والى مزيد من التطور والنجاح لموقعنا الغالي

[ferass98]

شكرا لردودكم وتعاطفكم يا شباب
اول شي يا صطيف مافي داعي للمجاملة الي بدو يجامل لا يعلق على الموضوع احسن

وتانيا الموقع شي حلو ومفيد وما في اي ملاحظات من الي ذكرتها والله يعطيكون العافية على جهودكم في الموقع تحياتي للجميع

[mazenassad]

السلام عليكم ورحمة الله وبركاته
خير الكلام ماقل ودل
الموقع مافي كلام عليه أبدا باالعكس حلو ومسلي
وأكثر الشي اللي محليه الشباب الطيبة من أدارين ومشرفون والآعضاء جميعا
وهو همزة الوصل بين أهل النيرب والمغتربين لاأكثر
والي مو عاجبو الموقع ماحدا جابرو يدخل عليه
وبالنسبة للحكي هذا كثير منو....
وباالنسبة للمواضيع هي ثقافية وفكاهية ومسلية لاأكثر
يعني مافي شي غلط
وبالنسبة للشباب الطيبين حلو الموقع باردودهم وأرائهم الجميلة والمسلية
وأنا بشكر كل الآدارين والمشرفين والآعضاء الذين ساهمو بنجاح الموقع وبتطويره
وثابرو الي الآمام وكلنا يد واحدة انشاءالله

[waseem]

يازوارنا الكرام القصة ومافيها مابظن في حدا بيقدر يسكر الموقع تاني شي النيرب وبتعرفوها يعني بصريح العبارة العالم متعودة يكون قي شي قصة او مشكلة او حادث.............الخ وبتعرفو يعني مافي كالات او مشاكل اوشي العالم تتسلى فيه حاليا بقى مستلمين الموقع حاليا يحكو الي بدن اياه نحنا ماعمنغلط او عمنسوي شي بيغضب حدا وبالاخر سلام لجميع الاعضاء والزوار يلي بمتابعتهم ومواصلتهم بالموقع وصلنا لهلموصول الي بننحسد عليه وشكرا

[جمال العلي]

بس أنا عندي سؤال صغير إلي عم يحكي إنو الموقع لازم يسكر بيعرف يشغل الكمبيوتر[/quote]


فعلا والله ما بيعرف يشغل الكمبيوتر يا جاري

صحيح انو جيت متاخر بالرد بس بحكي بعض الكلمت المعبرة
ليشششششششششششش
ليش ليحرموا شوفة طفل
ليش ليحرموا شوفة شجرة
ليش ليحرمواشوفة ضيعة حلوة
يعني كل مغترب اليوم بيشوف الضيع اول باول
ام في مغتربيين ما كانوا يشوفوا الضيعة ال بعد سنين يعني الموقع اذدهر واطور وصار احلى
بوجود شباب متل هل اعضاء الحلوين
والسلام





تحياتي

[مظهر]

السلام عليكم
.................................................. .........................
احبـائي اعضاء ومشرفين منتدى...
((( النيرب)))
الكل فينا يشهد بجمال وروعه هذا الموقع الذي جمع ابناء القريه المغتربين في كافة البلدان احتضن نخبه من ذوي الاقلام المبدعه
تعلمنا منهم الكثير شكرناهم وشكرونا ونسينا شخص له الفضل الكبير في هذا الكيان
الكبير الذي جمعنا على الود والاخاء والمحبه اهم شخص في الموقع
المدير العام وصاحب الموقع...

<<<مصطفى العلي ((ابو كامل))
>>>

لماذ لا نشكر هذا الإنسان الرائع من خلال كلمه بسيطه من حروف لها معني كبير نعبر فيها عن سعادتنا بهذا الصرح الكبير وبهذه الروح المحبه والخالصة..
فقد جمعنا هنا كعائلة واحدة محبة تربطنا علاقة فريدة ومميزة عن باقي المنتديات...
كما لا ننسى ان نشكر جميع المشرفين والأعضاء المشاركين علي جهدهم و مساهماتهم الرائعة في الاقسام
والى كل من يسعى الى اغلاق هذا الموقع او الاساءة بمجرد كلام ان يبتعد عن هذا البيت الذي جمعنا وفي اخر تعليقي هذا اقول
صدقا ،،
كلمه شـــــــــــــــــــــكــــــــــــرعظيمه الى راعي هذا الموقع
مع
خالص حبي وتقديري للجميع
مـظهـر

[مصطفى العلي]

الف شكر يا مظهر على كلماتك الحلوة متلك والموقع للنيرب جميعا وبوجودكم يحلى ويزدهر والله يديم المحبة بين جميع اهل النيرب وهذا هو هدفنا من الاساس

[مظهر]

أبو كامل
والله جهدك في تطوير هذا الموقع يستحق الشكر والثناء
دمت كأنك غيمة لاتكف عن العطاء

تقبل مروري مع كل الشكر

[محمد محمد عادل اسعد]

بنسبة للموقع احلى واجمل شياء فيه جمعة الشباب الطيبة اه والله وبنسبة يلي موعاجبو الموقع لا يدخل عليه لك والله الناس مابيعجبها العجب شو بدهن احلى من الموقع لك كل الشباب من جميع الدول العربية والاوربية يتراسلون عليه ونسمع الاخبار الشباب جميعهم ونطمئن عليهم لك اه اه بس وانا من جهتي اوجه سلامي الى جميع من شارك بهاذا الموقع وعلى راسهم ابو كامل مصطفى وتحياتي للجميع وشكرا

[مصطفى محمد العلي]

:156cc517af78d689db0اول شي انا تاخرت عالرد بس بدي قول :الحقيقة في ناس مابتنعطا وجه لانو مفكرة حالا ذات قيمق بس هي ولا شي بالضيعة والي بدو يسكر الموقع بدي سكرلو000000000000000 هيك عالم هيك بدا واحلى شباب واحلى موقع النيرب

[مهند خالد الأسعد]

شو هالقبضاي ما عرفتو
طبعا وما بدي اعرفو
بش خبروه أنو الموقع اذا حسن يسكروا ( بحلمه ) تاني يوم بنعمل عشرة غيرو
ولمة اهل النيرب الحلوة بكل البلدان ما حدا بيحسن يفرقها
اذا عنا الشيخ بينتقدوه فالموقع بدو يسلم منهم ؟
والله اذا الموقع يوم ما فتح منفتقدلوا مشان هاللمة الحلوة
وألف مبروك للنيرب نجاح الموقع ومديرو ( أبو كامل )
وشكرا