طلب واقتراح

[ابو لمار]

السلام عليكم
بناء على توجيهات الادارة بادراج الطلبات والاقتراحات بان تنزل على شكل موضوع ليتمكن الجميع من المشاركة
أحب ان اطرح عليكم:
الاقتراحات التالية
1-قفل المواضيع بعد مدة زمنية لا تتجاوز الشهر
2-مراقبة المنتدى على نطاق أوسع وبشكل أكبر
3-ادراج التصويت على (أفضل موضوع-أفضل عضو-افضل رد- والاسوء ايضا)
4-التصويت على الشراف من خلال الترشيح والمتابعة وليس للأقدمية

أما بالنسبة للطلبات

1-السماح بحرية الرد دون تدخل الادارة والمشرفين مع الحفاظ على الأدب العام
2-ترك المواضيع المكررة دون اقفال لمدة 24 ساعة لكي يتسنى مشاهدتها من قبل الأعضاء الجدد
3-اضافة بعض المنتديات من عالم المراة والطفل والساحة الطبيةووووو...................


أما بالنسبة للشكاوي

1- عدم متابعة المشرفين للأعمال الموكلة لهم على اكمل وجه(مع احترامي الشديد لكل المشرفين الكرام)
2- تدخل بعض الأعضاء في الردود
3- تنزيل بعض المواضيع دون الانتباه الى مصدرها ومصداقيتها
4-كماااااااااااااااااااااااااااااااااان ولا خلص ؟؟؟؟؟؟؟؟؟؟؟؟

سوف اترك الباقي لكم اخوتي واخواتي اعضاء الموقع الكرام
ارجو منكم أن تتقبلو رأيي هذا وان كنا نسعى للنجاح والتقدم فانه لايكون الا من خلال الراي و الراي الآخر والنقد البناء

مع كل احترامي وحبي لكل أعضاء الموقع من ادارة ومشرفين و اعضاء

نلتقي لنرتقي

بانتظار آراءكم ومشاركاتكم
ودمتم بود

[خالد عبد الهادي]

شكرا على أقراحاتك وعلى متابعتك أبو شرف واهتمامك بالمنتدى دليل حرصك على تطوره وإنشاء الله اقتراحاتك وتوصياتك رح تكون قيد الدراسة

[مصطفى العلي]

بالنسبة للاقتراحات
1- انا التلك يا ابو شريف ان رح اققفلهم رحت نزلت موضوع فيهم
هههههههههههه
على كل حال شكرا لالك
ان شاء الله رح يتم قفل كل موضوع يمضى عليه شهر بحيث يمكن مشاهدة الموضوع ولكن لا يمكن الرد عليه
2-مراقبة المنتدى : تعتمد على مشاركة باقي المشرفين ولازم كل واحد يساعدنا بساحته
3-افضل موضوع هذا موجود من قبل ولكن بعدم مشاركة باقي الاعضاء ولكن هالمرة بدنا اياكم كلكم تشاركونا بتقييم الموضوع وكمان انا التلك عليها يا ابو شريف
يعني الواحد يلي ما بيعجبه الموضوع يقيمه باقل النجوم ويلي بيعجبه بقيمه بعدد النجوم يلي بدو اياها حسب اعجابه للموضوع وهيك بيظهر عندنا تقييم شامل للموضوع بمشاركة الجميع ويبين عندنا اهميته من مدى قلة اهميته ومنخفف من الردود
4- كمان النالكم جميعا رح يتم بآخر هذا الشهر ترشيح اعضاء من قبل المشرفين والتصويت يكون من قبل الاعضاء على اختيار مشرف جديد
وبرجع بقلك المشرف ليس بكتر ردوده وانما بتواجده المستمر وبالاقدمية
الطلبات
1- حرية الرد مسموحة ولا احد يتدخل فيها الا اذا كانت مخلة للادب او كانت تسيء الى عضو او مخالفة لقوانين الموقع (من سياسة او دين او -------) واذا كان هناك اية شكوى على اي مشرف حذف رد او موضوع تعسفي يا ريت تخبروني
2- المواضيع المكررة لا تمسح الا كل شهر ويتم قفلها مباشرة لكي لا يتم حذف الردود التي تضاف على الموضوع المكرر واذا اعجبك الموضوع بامكانك الاضافة على الموضوع القديم وبظن كل الاعضاء عبيطلبو حذف الموضوع المكرر مباشرة ولكنني لا احذفه الا كل شهر
3- عطيني ساحة مثلا !!!
الساحة الطبية موجودة وساحة المرأة تندرج بالثقافة العامة بدي ساحة محددة

الشكاوي:
1- هالشي طلبنا منهم كتير ومنتمنى الالتزام منهم
2-ما فهمتها هاي ؟؟ يعني كيف العضو بدو يتدخل بالردود ؟؟؟
3-ما بظن الها علاقة ادارة الموقع
هالشي طلبناه منكم كتير ان تنتبهو الى الموضوع وتقرئوه قبل نشره وخصوصا المواضيع الدينية
4-شو بدك نحن جاهزين وبتمنى التفاعل من الجميع وشكرا لموضوعك يا ابو شريف
تقبل مروري

[ابو لمار]

بس في اقتراحات انا قلت لك اياها من زمان وانت مبارحة اخدت قرار بشأنها..........قرااااااااااااااااار وليس اقتراح
هههههههههههه
على كل حال شكرا كتييير على تفاعلك وردك وان شاء الله دوام التقدم والنجاح
وبالنسبة للشكوى اللي قلت انك ما فهمتها منحكيها بعدين
وشكرا الك يا خالد لأنك رح تحط اقتراحاتي تحت الدراسة
هو بس ما تحطهم تحت الطاولة وكل شي بهون

ومشكورين على مروركم
ودمتم بود

[مرهف اسعد]

الله يعطيك العافية ابو لمار ومشكور كتير على خوفك وحرصك على منتدانا الي هوي بالاخير منتدى الكل بتوقع مصطفى كفى ووفى من خلال اجاباتو لالك ونحنا حسب توجيهاتو منمشي اما بالنسبة لمهامنا كمشرفين والشي المطلوب منا تاكد انو نحنا متابعين لكل شي وتاكد مستحيل ينحذف شي رد الا اذا كان برا الاصول او بيازي حدا او اي شغلة من الشغلات الي زكرا مصطفى وانشالله كل الشغلات الي زكرتا رح تكون موجودة بالمنتدى عن قريب
مرة تانية الف شكر على كل شي عبتعملو من ردود واقتراحات ومواضيع

[ابو لمار]

مشكوووووووور على تفاعلك وردك الجميل أخ مرهف
بس اذا بتسمحلي الادارة عندي طلب وهو اقتراح لو تكرمتم بالموافقة
من أجل الارتقاء بموقعنا الكريم...........
أرجو أن نكوّن فريقين :
كل فريق يختار أعضاءه ويقوم بالترويج والاعلان للمواضيع التي يعمل عليها فريقه
والعمل على الحصول على اكبر مشاركات وتقييم
فيما تكون مهمة الفريق الآخر نقد الموضوع و أكرر الموضوع والعمل على احباط الفريق الآخر وكسب نقاط على حساب الفريق الآخر
وقرار نجاح أي فريق يكون من الادارة دون مناقشة أو احتجاج من كلا الفريقين
وتعلن النتيجة نهاية كل اسبوع عن الفريق الفائز بقرار رسمي من الادارة ويمنح الفريق وسام
كي يتحفز الفريق الآخر للعمل بجد ونشاط أكثر والعكس صحيح
آآآآآآآآآآآه شو رأيكم؟؟؟؟؟؟!!!!!!!

[مصطفى الحسن]

السلام عليكم ورحمة الله وبركاته
بالبداية اود ان اشكر ابو شريف على مقترحاته الصريحة والتي نتمناها من زمان داخل الموقع
ومتل ماخبروك الشباب تقريبا كل اللي حكيتوا بفكر المشرفين والاداريين داخل الموقع
وعم نحاول نمشي فيهم خطوة خطوة و إذا عندك اقترحات تانية يتمنى انك تنزلها مباشرة
وبالنسبة لموضوع عدم متابعة المشرفين لعملهم على اكمل وجه
ارجو منك في حال لاحظت اي تقصير او تهاون من اي مشرف (كل حسب قسمه ) ابلاغ مصطفى او الادارة بشكل عام من اجل متابعة الموضوع وحله من خلال المشرف او الاعضاء من اجل ان لا يحصل تراكمات داخل المنتدى لانو بالنهاية رح يسب مشاكل الله يبعدنا عنها جميعا
واشكر كل الاخوة الاعضاء و المشرفين لمشاركتتهم وتعاونهم
ودمتم

[خالد عبد الهادي]

الله يجيرنا من إقتراحاتك يا أبو شريف وأنا من الطرف التاني وأول رد إحباط إلك أنا ماني موافق على أقتراحك .........................

[مرهف اسعد]

خالد بالعكس اقتراح ابو لمار كتير حلو هيك بتحفز المشاركة والمساهمة الاكبر بالموقع انا معك مية بالمية بهيك اقتراح
مشكور حبيب

[ابو لمار]

آآآآآآآآآه يا خالد طول بالك لآخد الموافقة الرسمية كاملة من الادارة وبتشوف
و أكيييييد أنا و انت على طرفي نقيض وسنعلن عن تشكيلة الفريق لاحقا ان شاءالله
وهاي اجاك معارضة من مرهف مشكووووووور مرهف على التفاعل

[خالد عبد الهادي]

يد الله مع الجماعة إذا الإدارة بتبنى اقتراحك أنا معون بس شو رأيك أبو شريف كون بالتحكيم

[مصطفى العلي]

اي فكرتك حلوة يا ابو شريف بس رح يتم تطبيقها بغير شكل ومتل ما شرحتلك مبارحة
رح الك كيف :
انت عجبك موضوع ونزلته وعرفته انه مميز وبتستحق تاخد عليه وسام
بتصير تعمل دعوات لاصدقائك بالموقع من خلال ارسال رسائل خاصة ودعوات لالهم من اجل تقييم الموضوع بافضل تقييم وهيك انت رح تضطر تعمل علاقات حلوة مع باقي الاعضاء وتبتعد عن اي حساسية معهم لانك محتاجهم
وانا اذا بدي احبط ترشيح موضوعك او وموضوعك اذا ما عجبني رح قيمه باسوء تقييم و من دون ما اكتبلك رد مناقد لالك وتزيد الحساسية بيننا وهيك بكون اخدت يلي بدي اياه من دون ما تعرفني او سيء لالك
وطبعا كل واحد بامكانه يرشح موضوعه لان بيعرف نفسه نزل افضل موضوع بهالشهر وهيك منحصل على مواضيع حلوة وتفاعل بين اعضاء الموقع
وبآخر الشهر يقومو المشرفين بطرح افضل المواضيع التي تم تقييمها وبيختارو افضل موضوع من بين المواضيع المرشحة وبتم منح وسام لصاحب الموضوع الذي تم اختياره
آمل ان تعجبكم الفكرة
وتقبلو مروري

[ابو لمار]

انا معك بها الفكرة بس ما وصلت للسي اللي انا بدي اياه...........
انا كان رأيي يصير في فريقين ويتنافسو وكل فريق يعرف أعضاء فريقه و اعضاء الفريق التاني من شان اضفاء روح المرح والفكاهة والمشاركات الحلوة على الموضوع
أما بالنسبة للحساسية اللي عم تحكي عنها اللي بيكون بيتحسس ما رح ينضم لأي فريق
والانضمام للفريق رح يكون اختياري
وكل فريق رح يعرض تشكيلة فريقه بموضوع ويكسب الثقة وتتم ادراج مواضيعه ومشاركاته باسم الفريق
واللي مو حابب انه يكون بأي فريق رح يضل على الحياد وكلا الفريقين يشاركو و يردوا على الموضوع متل أول دون التعرض له ولموضوعه
بعدين فكرة الفريق والردود رح تعمل حماس اكتر من التقييم لأنه رح يكون في منافسة
وبالآخر هذا مجرد رأي واقتراح لا أكثر
ومشكورة الادارة الكريمة على تفاعلها البناء

[خالد عبد الهادي]

أبو لمار الفكرة من ناحية المبدأ ممتازة بس بدك تشرح بشكل مفصل للأعضاء أي وضع نظام يتفق عليه الكل والتقييم طبعا رح يكون للحيادين وللإدارة او لجنة التحكيم بالنهاية وأنا جاهز لكون في أحد الفرق

[احمد زكريا]

يعني تاقصنا حساسية بالموقع
ماني مع طرح الفريقين ويصير كل واحد يتحيز مع فريقو ويقيد تفكيرو بتفكير حدا تاني انا برأي كل واحد يعبر عن افكاروا بدون ما يتأثر بحدا