القضية ( الربا )

[walid]

السلام عليكم


بسم الله الرحمن الرحيم وافضل الصلاة واتم التسليم على اطهر البشر واخر المرسلين

للأسف هناك الكثير من الظواهر السيئة والمنافية لديننا الحنيف واخلاقنا السامية نحنا كمسلمين اخذة تنتشر وبتزايد في قريتنا الحبيبة التي كانت في ما مضى مثلا" يحتذى به بطيبة اهلها وتمسكهم بدينهم واخلاقهم الحميدة
احد هذه الظواهر هو دين الفائدة (الربا)والعياذ بالله
-هل انتشرة هذه الظاهرة حقا" واصبحت امر اعتيادي بالقرية ؟
-وماهي اسبابها ؟
*هل هو جهل الناس وعدم التفريق بين الحلال والحرام ؟
*هل نضبت الاعمال الشريفة والمكاسب الشرعية في البلد ؟
*هل سوف نموت جوعا"وفقرا" اذا لم نعتمد على الربا ؟
*اين الرادع الديني بالنسبة لمن يعتمد في لقمة عيشه على هذه التجارة الخاسئة ؟
*هل الحاجة تبرر الوسيلة؟ وهل صعوبة العيش تحتم على هؤلاءاكل الحرام ؟
للأسف هذه الظاهرة تكاثرة بشدة في الآونة الاخيرة


ارجو من هؤلاء الناس الرجوع الى ربهم والتفكر و ان يتقوا الله في ما يفعلونه

اخيرا" اسأل الله العفو والعافية وحسن الخاتمة وهداية الناس الى سواء السبيل وطريق الصواب
اللهم اغننا بحلالك عن حرامك

*********************

ارجو من الجميع التفاعل والمساهمة ولو بكلمة عسانا نساهم بحل هذه المعضلة .



ولكم فائق الاحترام والود

ودمتم سالمين

walid

[مصطفى العلي]

هالظاهرة منتشرة بجميع العالم يا ابو جميل واخذت هلأ تاخد طريق مختلف ولكن بنفس السوية وهي البورصة
الله يبعدنا عن الطرفين

[نيربــــــي]

شكرا على المضوع الجميل

انا عم اسمع عن الدين بعض المشايخ عم تفتي فيه انو حلال بس انا ما انقتنعت بهدا الشي
في نقطه اثرتها كتير حساسه هيهل نضبت الاعمال الشريفة والمكاسب الشرعية
في بعض الناس بتسميه شطاره والاهل بشجعوهن للاسف
لو في صرامه او وعي من الاهل ما صار هدا الشي انا سمعت كتير ناس بيخادو فلوس على اساس دين او قروض او بطاقه أئتمانيه أو .....كتير اشياء
ولحقني اذا كنت شاطر باي شو هاي شطاره والله اكل الحرام مش شطاره
هدا رأي الخاص سمحولي
وتقبلو مشاركتي

[احمد زكريا]

انتو يا شباب بعدتوا عن الموضوع يعني الموضوع عن الربا عنا بالضيعة على حسب ما فهمت وانا معك يا مصطفى لانو المعاصي موجودة بكل مكان بس نحنا عمنحكي عن ضيعتنا الي صارت معروفة بين الضيع المجاورة بهذه السمعة السيئة والسبب انو الناس استسهلت الكسب الحرام يعني مربح اكيد وخسارة مافي وهذا سببو الرئيسي البعد عن الله وعدم المبالة ليوم القيامة
الله يهدينا ويحسن اخرتنا يا رب العالمين

[لؤي ابو الطاهر]

يا لطيف والعياز بلله من الربا موجودة بكل محل مو بس عنا وهلق صارة اكتر من قبل

اللهم اغننا بحلالك عن حرامك

وتجملنا بلسترة يارب

قال رسول الله صلى الله عليه وسلم الحلال يزهب يا رسول الله قال نعم والحرام--- هو واهله

مشكور يا جاري علا الموضوع القيم
:9:

[ابو لمار]

هالظاهرة منتشرة بجميع العالم يا ابو جميل واخذت هلأ تاخد طريق مختلف ولكن بنفس السوية وهي البورصة
الله يبعدنا عن الطرفين


انا معك يا صطيف ان الربا موجودة على مستوى العالم أجمع
دعنا لا نخوض بالأسباب لأنها مهمت كانت الاسباب لا تبرير لها
فهي محرمة في كتاب الله وسنة رسوله
لقد حلل الله البيع وحرم الربا
أما بالنسبة للبورصة يا ابو كامل أين وجه الربا فيها؟؟؟؟؟؟!!!!!!!!!!
فأنت عندما تعمل بالبورصة وتشتري اسهم هل تعرف مدى الربح أو الخسارة؟؟؟؟؟؟؟
هل تضع مبلغ معين وتعرف كم سيصبح المبلغ؟؟؟؟؟؟!!!!!!!!!!
هل تعرف ماهي الخسارة؟؟؟؟؟؟!!!!!!!!!!!!!!
كل تلك الاشياء غير معروفة وبالتالي هي ليست ربا والله أعلم
وتقبل مروري

[حسين الأحمد]

مشكور ابو جميل على الموضوع المهم والحساس
اغلب الناس من القرية صار يتعامل بالربا وهو آفة العصر
لأنه الربح المضمون وكترت نسبة الفوائد حتى سمعت انو البعض بياخد الليرة بليرة
وسمعة الضيعة صارت معروفة بين قرى المحافظة ومرتبطة بالربا
أحيانا الواحد بيكون متضايق ماديا بيقوم بيتدين شي دينة حتى يتفضفض
بيقوم الشخص اللي عبيدين بيزيد نسبة الفائدة فبيكتر المبلغ على الدائن
وعند استحقاق المبلغ بيكون مامعو أو ماتأمن المبلغ بيقوم بياخود دينة تاني
وبيزيد المبلغ وعلى هالحالة بيكون المتدين صار عليه ديون كتيرة
ومعاد يقدر يفك حالو من الدين فما هي الحلول للحد من تزايد التعامل بالربا في القرية

[walid]

هالظاهرة منتشرة بجميع العالم يا ابو جميل واخذت هلأ تاخد طريق مختلف ولكن بنفس السوية وهي البورصة
الله يبعدنا عن الطرفين
يمكن تكون الظاهرة منتشرة بكل العالم
بس نحنا كمجتمع مسلم وقروي اهم شي
ما كنا نشوف هيك شي عنا
وبالفترة الاخيرة زاد هاد الشي
وانا ما طرحت هاد الموضوع الا بعد ما سمعت شكاوي من كتير ناس في الضيعة حول هالموضوع
وانا مو معك يا ابو كامل بتعيمم الظاهرة حتى لو كانت موجودة بكل العالم بس نحنا عم نطرحها من شان نحد من تأثيراتها وانتشارها بالضيعة
وشو بدنا ببقية العالم

[خالد عبد الهادي]

الله يبعدنا عن الربا جميعا الربا ما إلها كفارة ياشباب والعقاب عند رب العالمين عظيم

[nayrab80]

المشكلة الرئيسية أنو شباب الضيعة الغالب ما بيده مصلحة وشهادة ولا أية خبرات فقط أفكار؟؟؟
والشب عنا بغيب سنة او سنتين وبيرجع عالضيعة معو شوية مصاري ما بيعرف شو بدو يعمل لأن ما بيده مصلحة فبلاقي الدين أربح وأضمن شي.
ولازم نفرق بين البيع بالأجل والربا(أحل الله البيع وحرم الربا)لأن بتفرق كتير حتى لو كانت النتيجة المادية نفسها ولكن البيع بالأجل(الدين) حلال والربا حرام

[وليد اسعد]

انا برشح ابوجميل بكلامه الظاهرة كترت مجتمعنا والناس ماعدت تعر ف الحلال من الحرام والعياذ بالله

[احمد زكريا]

للاسف الشديد هالظاهرة منتشرة بكثرة عنا في الضيعة وانا بتمنى انو هالظاهرة تتلاشى باسرع وقت لانها عادة سيئة وحابب قول شي لمتبعين هالعادة السيئة انو خافوا ربكم قبل كل شي والله يهدي جميع المسلمين الى الصراط المستقيم قولوا امين

[احمد زكريا]

الله يهدي جميع المسلمين الى الطريق الصحيح

[احمد زكريا]

مال الحرام مابيدوم وان دام رح ياكل صاحبه والله يصلح احوال جميع المسلمين

[عمر 1987]

دين الفلئدة منتشر بكثرة الواحد مابقى يدين الا بفائدة وهالشي محرم عند الله عزوجل والله يهدي الجميع الى الطريق الصحيح قولوا امين