كرسي الاعتراف (احمد زكريا )

[مصطفى العلي]

السلام عليكم3

كيف الشباب
شو يا شباب كانكم نسيتو هالشغلة
بلشتو زخ الاسئلة عليي ونيستو حالكم ان رح تنسألو
هههههههههههههههه
اليوم حكمت المحكمة على مشرفنا الغالي احمد زكريا ابو زكور بالاجابة الصريحة على كل الاسئلة المطروحة من الاعضاء
ما عدا التي لا يريد الرد عليها
ونرجو ان تكون الاسئلة مفيدة و غير مسيئة وكل شخص مسؤول عن سؤاله
وكمان منتمنا الاجابة بكل صراحة من الشخص المطروح عليه الاسئلة
ويتم قفل هذا الموضوع بعد 5 ايام من تاريخ اليوم
ولا تنسو ان جاييكم الدور يا شباب
تحياتي للجميع

[مصطفى العلي]

ببدأ انا بسؤالي :
كام سنة مفكر تبقى بالسعودية ؟؟
يعني مفكر بس لتخلص من الجيش ولا بتفكر تستقر الا ما شاء الله
والله يوفقك يا غالي

[احمد زكريا]

لا والله يا ابو كامل بس شي يخلص الاستيداع ناوي ارجع ان شاء الله يعني شغلة 3 سنين ان شاء الله

[ابو لمار]

كيف كرسي اعتراف وكيف له حرية الرد أو الرفض؟؟؟؟؟؟؟
أو حرية السؤال ووجوب الجواب أو ما في داعي للأسئلة........!!!!!!!!!
وتقبل مروري

[ابو لمار]

أنا سؤالي.........
يا هل ترى لو طلب منك أن تبوح عن اكثر شخص تفتقده؟؟؟؟؟؟؟من هو\هي
وتقبل مروري

[احمد الاسعد (ابو شريف)]

بما أنو في حرية عدم الرد أنا مابدي اسأل شي!!!!!!!!!!!!!
مشكور على هالكرسي يا ابو كامل لاحتو الكرسي مصنوع من القش
ههههههههههه

[احمد زكريا]

ابني زكريا

[مصطفى العلي]

بما أنو في حرية عدم الرد أنا مابدي اسأل شي!!!!!!!!!!!!!
مشكور على هالكرسي يا ابو كامل لاحتو الكرسي مصنوع من القش
ههههههههههه
انت حر يا احمد ما تسأل بس وقت بيجي دورك رح تعرف ان الكرسي يلي مصنوع من القش الو قيمة كتير عندك
ولازم تكون فهمت قصدي
هههههههه

[walid]

كيفك ابو زكور
انا عندي سؤالين
1- شو هو اكتر شي بيستفزك وبعصبك بالحياة ؟؟؟
2- شو هي العادة الي بتكرها بحالك وبتحاول تغيرها ؟؟؟


وبتمنالك دوام التوفيق بحياتك ودوام الصحة والعافية عليك

[احمد الاسعد (ابو شريف)]

انت حر يا احمد ما تسأل بس وقت بيجي دورك رح تعرف ان الكرسي يلي مصنوع من القش الو قيمة كتير عندك
ولازم تكون فهمت قصدي
هههههههه

بما انو في حرية بعدم الرد ما رح يكون في شفافية وكل سؤال مارح يعجبني ما برد عليه بكل بساطة
هدا اسمو كرسي ؟؟؟؟
وزعلت ليش قلت أنو من قش
وبعدين ليش في حرية بعدم الرد
مافي اي شخص رح يسأل سؤال في قلة ادب
او عدم احترام
وتقبل مروري يا مدير الموقع

[مصطفى العلي]

بما انو في حرية بعدم الرد ما رح يكون في شفافية وكل سؤال مارح يعجبني ما برد عليه بكل بساطة
هدا اسمو كرسي ؟؟؟؟
وزعلت ليش قلت أنو من قش
وبعدين ليش في حرية بعدم الرد
مافي اي شخص رح يسأل سؤال في قلة ادب
او عدم احترام
وتقبل مروري يا مدير الموقع
لا بالعكس انا ما زعلت لانك شبهته بكرسي قش وفعلا هوي كرسي قش لانه صعب تساويه كرسي من حديد
وحرية عدم الرد حسب السؤال المطروح
وانا بفهمك بيني وبينك ليش في حرية عدم الرد ما بدنا نمضي موضوع ابو زكور بالشرح ليش وكيف
ومتل ما قلتلك وقت بيجي دورك يبقى جاوب على كل الاسئلة المطروحة وتقبل مروري

[احمد زكريا]

اكتر شي بيستفزني النطوطة وشوفة الحال
والعادة الي بكرهها بحالي العصبية السريعة

[محمد أحمد العلي]

هلا ابو زكور والله
بدي اسالك كم ولد صار عندك
والله يخليلك اياهم
وين عبتشتغل هلا وبلال كمان وين

مشكورا ابو زكور

[ahmad-scs]

ابو زكور ..........الك وردة
1 - اذا مدير الموقع عطاك وسام واحد وقلك عطيه للعضو الي بيستحقه.........لمين بتعطيه ؟
2- مين اكتر واحد من زملائك الي من دورتك بتحبو و بتفقدله اذا غاب عنك ؟
3- هل تغيرت علاقتك مع زملائك واصدقائك بعد ما تجوزت ؟ وهل هم تغيرو معك ؟
==========
انتهت الاسئلة

عذرا على اطالت الاسئلة ------- ولك حرية الاجابة .

[احمد زكريا]

بالنسبة لمحمد عندي صبي واحد وهلق شغال بالرياض بمدارس ابن خلدون وبلال عبيشتغل بقطر بشركة الاندلس للمقاولات
اما بالنسبة لاحمد
الوسام بعطيه لمصطفى الحسن لانو بصراحة الجندي المجهول في الموقع
اما اكتر واحد من رفقاتي بفقدلوا مع انو كلن غالين على قلبي هوي غياث الحسن
اما علاقتي مع الشباب بعد الزواج تأثرت شوي بسبب المسؤوليات الجديدة الي بتصير على عاتق الشخص المتزوج

[nayrab80]

تحياتي لأبو زكور زميل الدراسة سنة تاني بكلوريا سين:
1-ماهدفك في هذه الحياة (غير تأمين المستقبل)؟؟؟
2-ما رأيك بالصداقة في المجتمع الحالي؟؟؟
وقولات الشباب (تقبل مروري العطر)!!!

[احمد زكريا]

هلا بيك ابو خالد
بالنسبة للسؤال الاول الهدف هلق هو تكوين عائلة نموذجية بأذن الله
اما بالنسبة للصداقة في وقتنا الحالي فما ضل منها الا ما ندر وصارت الصداقة بمعظمها مصلحة لانو نفوس الناس تغيرت
ومشكور على مرورك العطر قولات الشباب