كرسي الاعتراف (مرهف اسعد)

[مصطفى العلي]

السلام عليكم3

كيفكم يا شباب
اليوم دور مشرفنا مرهف اسعد بكرسي الاعتراف
ورح تبلش الاسئلة عليه متل زخ المطر مدة الموضوع قبل القفل اربعة ايام من تاريخ اليوم
لحقو حالكم واسألوه واكيد مرهف رح يجاوب وبكل صراحة

تحياتي للجميع

http://www.nayrab.com/vb3/6/misc/progress.gif

[مصطفى العلي]

بسم الله نبدأ
اي يا حبييب
انا مارح صعب الاسئلة عليك بتعرفني ما بهون عليي فيك
بس رح اسألك :
تندمت لأنك سافرت على السعودية ؟؟
يعني قصدي بتفكر هلأ وبتندم لانك ما بقيت بشغلك ورحت على العسكرية
وخلصت منها
ولا وضعك هيك مرتاح اكتر ؟؟

[احمد زكريا]

انا بدي اسألك سؤال سهل وبسيط وما في تعقيد
شو اكتر حدث اسر فيك وكان صدمة بالنسبة الك

[مرهف اسعد]

السلام عليكم
اكيد رح كون عند حسن ظنك وجاوب عاالي بقدر عليه
بالنسبة لجيتي عالسعودية اول ماجيت تندمت كتير والت ياريت مضلان وخادم عسكرية لانو شغلي بسوريا يعني فيك تقول ماشي حالو ولو مكمل بشغلي اكيد رح يكون في الو مستقبل وضليت على عالحالة شي سنتين بس بعد ما رجعت وضليت قاعد بسوريا شي 3 اشهر غيرت كل نظرتي بالرجعة عسوريا صرت حاول لحتى اطلع يعني ممكن هادا الشي كان لازم يكون من اول سنة بس شو بينفع يعني هادا الي الله كاتبو ومابياكل الواحد غير نصيبو بالاخير الحمدالله على كل شي مهلق تعودت على كل شي

[مرهف اسعد]

انا بدي اسألك سؤال سهل وبسيط وما في تعقيد
شو اكتر حدث اسر فيك وكان صدمة بالنسبة الك
يمكن اكتر شي صدمني بحياتي تغير نظرة الناس لالي بعد ما رحت عالسعودية ورجعت باول سنة
كتير عالم تغيرت نظرتا لالي يعني مابدي احكي كتير بس قبل كانت احلى بكتير وعند الي تغيرت
فعلاكانت صدمة لالي
وكنت حبا كتير كتير يعني فيك تقول احلى شي بالعالم انك تكون بسيط

[مهند خالد الأسعد]

شو علمتك الغربة ومعاملة القريب والغريب فيها؟

[نجم السلام]

لمين صوتت بالمشرفين

[محمد أحمد العلي]

كيفك ابو سعود
بدي اسالك شو احلى شي بحياتك مضى
بكلوريا
ولا معهد
ولا سفر على السعودية
ولا حاليا بعد الخطوبة

[مرهف اسعد]

شو علمتك الغربة ومعاملة القريب والغريب فيها؟
هلق بكتير احيان في ناس بتقلك انو العسكرية مدرسة بتتعلم فيا كل شي وبتنكسر نفسيتك ومابعرف شو من هالكلام هادا
بس انا براي الغربة هي اكبر مدرسة بتععلم فيا شغلات في عمرك مابتوصلا انتي وببلدك وفيك تقول بتععلم فنون الحياة كلا
بالنسبة لمعاملة الناس ان كان القريب او الغريب انا بالنسبة لالي بحط كل الاحتمالات بالتعامل وبتوقع كل شي من اي شخص وبعاملو متل ما بيعاملني واكتر ان كان بالمليح او بالعاطل
شكرا لسؤالك

[مرهف اسعد]

لمين صوتت بالمشرفين
لازم ماينسال هادا السؤال بس فيكي تقولي انو صوتت لاكتر من مشرف لان الكل بيستاهل

[مرهف اسعد]

كيفك ابو سعود
بدي اسالك شو احلى شي بحياتك مضى
بكلوريا
ولا معهد
ولا سفر على السعودية
ولا حاليا بعد الخطوبة

يا سيدي يابو احمد انا احلى قضيتا بحياتي هي الفترة الي بين خلا صي من المعهد وسفرتي عالسعودية وهي شي سنة تقريبا يمكن كانت احلى فترة لحد الان كنت فاضي وماعندي شي وعبشتغل ومافي شي براسي ابدا لحد ما جا وقت العسكرية صار الهم وكيف بدي خلص وسافر واحلى شي بهديك الايام كانو كل رفقاتي حواليي وماكن حدا مسافر فين وطلعات وفوتات ورحل اهههههههههه يالله راحت الله يعيد الاحلى منا عليي وعليكم جميعا

[مختار الدرعية]

اذكر 3 أشياء حلوة عشتها أو مرت معك بتحب نشاركك فيه و 3 أخطاء تعلمت فيهم درس و ماتريد أحد يوقع فيهم من بعدك



قدر السؤال على قدر المحبة و القرب

[احمد الاسعد (ابو شريف)]

رح اسألك سؤال وبتمنى تجاوب عليه بصراحة
واذا ما جاوبت بعرف انا الجواب لحالي
هل انت مؤهل لتكون مشرف بمنتدى النيرب؟؟
واذا كان في حد بالموقع بيستاهل الاشراف على ساحة النقاشات أكتر منك مين بيكون؟؟
وتقبل مروري ياااااامشرفنا الكريم

[لؤي ابو الطاهر]

هل انت ممن يسامح من جرحه يوماً ما؟؟


- ما هي أحب الصفات فيك وتود أن لا تستغني عنها ،
وما هي الصفة التي فيك وتتمى أن تلغيها


ثلاث وردات لمن تهديها في المنتدى .. ؟

[مرهف اسعد]

اذكر 3 أشياء حلوة عشتها أو مرت معك بتحب نشاركك فيه و 3 أخطاء تعلمت فيهم درس و ماتريد أحد يوقع فيهم من بعدك



قدر السؤال على قدر المحبة و القرب
عراسي ياحسون وشكرا لسؤالك اكيد مافي شي محدد انتو اخوتي بالغربة انا بحب شاركن بكل شي وخصوصي الفرح والاكل وكل شي حلو بحبو انا بحبو لالكن
بالنسبة للاخطاء الي وقعت فيا بلاها هاي سمحلي فيا مارح اقدر جاوبك

[مرهف اسعد]

رح اسألك سؤال وبتمنى تجاوب عليه بصراحة
واذا ما جاوبت بعرف انا الجواب لحالي
هل انت مؤهل لتكون مشرف بمنتدى النيرب؟؟
واذا كان في حد بالموقع بيستاهل الاشراف على ساحة النقاشات أكتر منك مين بيكون؟؟
وتقبل مروري ياااااامشرفنا الكريم
والله بالنسبة لالي مابحسن حدد انا اذا كنت مؤهل او لا لانو في ادارة وفي ناس تانية بتقرر هادا الشي وانا بالاساس ما طلبت شي حتى يكون بعلمك ولو في حدا تاني اكيد كل الناس خير وبركة بس اكيد مو الي عبيسال هيك سؤال والله بيعلم
شو شتغلت انا لحتى صار هالمنتدى وصارت العالم تشارك في

[احمد الاسعد (ابو شريف)]

والله بالنسبة لالي مابحسن حدد انا اذا كنت مؤهل او لا لانو في ادارة وفي ناس تانية بتقرر هادا الشي وانا بالاساس ما طلبت شي حتى يكون بعلمك ولو في حدا تاني اكيد كل الناس خير وبركة بس اكيد مو الي عبيسال هيك سؤال والله بيعلم


شو شتغلت انا لحتى صار هالمنتدى وصارت العالم تشارك في


انا قلتلك اذا ما جاوبت بكون عرفت الجواب
وانا عرفت الجواب بردك
وبعدين انا سالت السؤال وما قلك اني كون انا
ولحتى يكون بعلمك انا لو شو ماصار ما ممكن صير مشرف ولا بدي هالمنصب
أبدا الله يهني كل واحد بمنصبوا
أنا بحب شارك وبس لأنو الواحد بيفرح لما يتواصل مع ابناء ضيعتو
وبرجع بقلك مرة تانية انا عرفت الجواب ووصلني ردك
مشكور على ردك يااااااااااااامشرف
توقعت يكون ردك هيك بس قلت لأ ممكن يكون ظنك بغير محلو بس طلع بمحلو

[مرهف اسعد]

هل انت ممن يسامح من جرحه يوماً ما؟؟


- ما هي أحب الصفات فيك وتود أن لا تستغني عنها ،
وما هي الصفة التي فيك وتتمى أن تلغيها


ثلاث وردات لمن تهديها في المنتدى .. ؟



1_اكيد ابو اطاهر والحمدالله انا من الناس الي بتسامح اذا نجرحت
2_هلق بالنسبة للصفات انا مابقدر حدد شوهي الصفات ان كانت سيئة او موسيئة الناس الي بيتعامل معا هي الي بتحدد شو هي صفاتي يعني ممكن احكي عن صفة بحبا او بكرهاتكو ن فيي او مو فيي انا هادا راي
3_اول وردة لكل شخص بحبني وبردلي الخير في المنتدى وتاني وردة لعكس الي حكيتو ابل شوي والتالتة لكل شخص عبيساهم ببقاء المنتدى
وشكرا لاسالتك ابو الطاهر