عندما يتغلب المال على المبدأ -----(الرجاء المشاركة من الجميع)

[مصطفى العلي]

السلام عليكم3


احبائي اهالي قرية النيرب وزوارها المحترمين
لا شك في ان المال اصبح في حياتنا هو كل شيء والمحرك الرئيسي لاي عمل في حياتنا
ولكن عندما يستثمر هذا المال في تدمير سمعة قرية ومنطقة باكملها من اجل اكتساب مال حرام لشخص معين من هذه القرية فهو قمة التفاهة وهو تغلب المال على المبدأ الذي يمنع كل شخص على فعل متل هذه الامور
هل الواحد فينا يقبل على نفسه تدنيس سمعة بلده من اجل اكتساب مال حرام ؟؟؟
احضار الراقصات والمشروبات الكحولية و فسد اخلاق ابنائنا بتقريب هذه الامور الى القرية هل هو حرام او لأ
احبائي الكرام
منتزه الروز عاد الى احضار تلك هذه الامور الوسخة
وعاد وانفتح ولا ندري اذا عاد افتتاحه بشكل نظامي او غير نظامي
نناشد المسؤلين في هذا البلد على ايقاف هذه المهزلة التي سوف تسيء الى سمع النيرب واهلها
وشكرا لردودكم مقدما

[احمد الاسعد (ابو شريف)]

انا بصراحة يا ابو كامل ضدك بهدا الموضوع
ولو اني ممكن كون الوحيد بالمنتدى اللي يخالفك الرأي لأنو بعرف أغلب أعضاء المنتدى اللي بحبوا يظهروا المثالية والردود ال..........
حتى لو فتح مرقص او كازينو بقلب الضيعة مو جنب الضيعة فما حيروح عليه الا كل واحد مو متربي وما عندو اخلاق
فاذا الواحد منا بيعرف شو الصح وشو الخطأ مارح يوقع بالغلط
والله يهدي كل عاصي الى طريق الهداية

[ferass98]

انا اسف لرد بسؤال ؟؟؟؟؟

لو الامر تم على زمن الصحابة شو ممكن يحصل بيسكتو ولا بحاربو وجوده بين المسلمين ؟؟؟

شكرا على الموضوع الله يهدينا

[احمد زكريا]

بالنسبة لهذا الموضوع كل العالم بتقول انو ما لازم يصير هيك شغلات بس ما بتلاقي حدا بيعمل شي يعني حكي وبس
والله يستر ما يكون البعض من الشباب بيرتادوا هيك محلات

[مصطفى العلي]

الانباء بتقول ان تم اعادة افتتاحه من دون ترخيص لاي مشروبات كحولية او راقصات ولكن عبصير كل هالشغلات فيه وعلى علم الجميع

[الامبراطور ابو جعفر]

السلام عليكم3
بالنسبة لسمعة البلد طبعا لاتتعلق بسمعة شخص او مجموعة فكل بلد فيها المنيح وفيها القبيح وانت الله يجزيك الخير لانك عم تنفذ وصية من وصايا سيدنا :no49:
من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وهو اضعف الايمان
اما عن رواد هذه الاماكن فإن الطيور على اشكالها تقع
ونحن الشباب بدورنا علينا توعية من يرتاد هذه الاماكن او من يفكر بإرتيادها والله يعطيك العافية على هالموضوع:9:

[قصي أسعد]

انا بصراحة يا ابو كامل ضدك بهدا الموضوع
ولو اني ممكن كون الوحيد بالمنتدى اللي يخالفك الرأي لأنو بعرف أغلب أعضاء المنتدى اللي بحبوا يظهروا المثالية والردود ال..........
حتى لو فتح مرقص او كازينو بقلب الضيعة مو جنب الضيعة فما حيروح عليه الا كل واحد مو متربي وما عندو اخلاق
فاذا الواحد منا بيعرف شو الصح وشو الخطأ مارح يوقع بالغلط
والله يهدي كل عاصي الى طريق الهداية



أنا بأيد بفكرتك !
يعني مافيك انت تمنع الناس عن الخطأ بس فيك تمنع حالك و المسؤول عنن

[مصطفى العلي]

والله يا شباب هاي هي مشكلتنا
كل واحد بقول ربي اسألك نفسي
وما النا علاقة
بس بدي منكم يا شباب تطلعو بس برى الضيعة وتخالطو عالم وناس وشوفو شو عبيحكو على اهل النيرب
اي الحكي عبصير على اهل النيرب وما عبينحكى على صاحب المنتزه وعلى يلي جاب هيك اشكال
اول شي شي بيسألوك (وهالشغلة حكولي اياها صارت معهم وقت يلي صار عالشي)
شو ياا آل صار عندكم معرصانة (عفوا على هذا الكلام بس طالع من حرقة قلب)
ومافيك انت تنكر هالشي لان صار بالنيرب هيك شي
بس ما رح قول الا حسبنا الله ونعم الوكيل والله يلعن يلي عبيشتغل على الاسائة لشرف النيرب وسمعتها

[عمر 1987]

مشكور كتير يا مصطفى على هالموضوع وانا معك بكل كلمة حكيتا بس مافينا نقول الا الله يهدي كل عاصي الى الصراط المستقيم

[walid]

ابو كامل انا ما كنت ناوي رد على الموضوع لأن كلامنا هون ما رح يقدم ولا رح يأخر (وهي حقيقة وواقع )
وانا متأكد انو لو وقفوا اهل الضيعة الموجودين حاليا" في الضيعة وعارضوا رح يسكر بس المشكلة الكبرى انو كل اعضاء المنتدى " انا وانت وفلان وفلان " شو فينا نعمل وكل واحد قاعد ببلد
الحل : المفروض من اهل الضيعة الموجودين بالضيعة التوجه للمسؤلين عن هيك امور وشرح الوضع والعمل على حل المشكلة ومتل ما بتعرف انو اهل ضيعتك مو قليلين بالدولة وكل واحد منهن بفك مشنوق وقت الجد
بقى ليش الناس الي مفروض يتحركو ما عم يتحركو ؟
هاد السؤال المطروح

[حسين الأحمد]

كلامك ظبوط أبو جميل أغلب أعضاء الموقع من المغتربين وكل واحد ببلد شكل
لازم كبارية الضيعة تتحرك وفي عندنا ناس واصلين والهم كلمتهم
ولازم يتسكر بأي شكل من الاشكال
وبدهم يفتحو هيك شغلات يبعدو عنا وعن الضيعة

[nayrab80]

والله ياشباب شي بوكس انو يكون عنا بالضيعة كابريه لازم يتسكر برأيي فوراً بجهود اهل النخوة.

[anas123]

شكراولله يامصطفي انا معك بكل كلمة

[محمد عبد المعين]

انا باكد صحة كلامك يا ابو كامل لانو المقصف شغال وعا ال24 وانا بحكم توجدي با الضيعة كل يوم عبشوف شغلات جديدة يعني كل يوم بتفوت تكسي نمرة حلب ومعها 4او5 رقاصات وهني طبعا شبه عاريات والله يحفظنا والابشع من هيك انو مافينا ننكر مثلا اذا واحد غريب حكى على المقصف انوا با النيرب لانو هادا شئ واقعي وصحيح للاسف
وانا بقول للاخ ابو شريف انو حكيو ماو صحيح لانوا نحنا ولاد ها الضيعة وما لازم نقول ما النا علاقة

[احمد الاسعد (ابو شريف)]

انا باكد صحة كلامك يا ابو كامل لانو المقصف شغال وعا ال24 وانا بحكم توجدي با الضيعة كل يوم عبشوف شغلات جديدة يعني كل يوم بتفوت تكسي نمرة حلب ومعها 4او5 رقاصات وهني طبعا شبه عاريات والله يحفظنا والابشع من هيك انو مافينا ننكر مثلا اذا واحد غريب حكى على المقصف انوا با النيرب لانو هادا شئ واقعي وصحيح للاسف
وانا بقول للاخ ابو شريف انو حكيو ماو صحيح لانوا نحنا ولاد ها الضيعة وما لازم نقول ما النا علاقة

يا ريت يا اخ محمد تقرأ ردي قبل ما تحكم بردك
انا ماقلت أنو ما لنا علاقة
وبالنسبة للبنات اللي عم ينزلو من تكاسي نمرة حلبية
الظاهر انك متابع مظبوط الله يقويك

[محمد عبد المعين]

طبعا متابع لانوا انا من اهل ها الضيعة سمعتي من سمعتها وبغار على الورد اذا نسم على كل شبر من اراضيها وللاسف اللي ايدو با النار مو متل اللي ايدو با المي وشكرا