كرسي الاعتراف (مصطفى الحسن)

[مصطفى العلي]

السلام عليكم3

متل ما تعودنا يا شباب كل مرة منحط واحد من اعضائنا الغاليين على كرسي الاعتراف ومنطرح عليه الاسئلة وهوي بدوره بجاوب بصراحة تامة وبامكانه عدم الاجابة على اسئلة شخص لا يريد الاجابة على اسئلته
واليوم دور الاخ والصديق الغالي ومشرفنا العزيز
مصطفى الحسن ابو محمد
يالله يا حبيب جاوب لنشوف اجاك الدور
هههههههههههه
احلى ابو محمد والله

[مصطفى العلي]

سؤالي اليك يا اصطيف
شو ايمت ان شاء الله نازل على الضيعة
و سمعت ان هالصيفية رح تتزوج هالكلام مظبوط ولا لأ
ان شاء الله يكون هالخبر مظبوط خلينا نفرح فيك بقى حاجتك ختيرت
ههههههههههههه
الله يجعل ايامك كلها فرح وهنا وان شاء الله منلتقى عن قريب
مع احلى سلام لك ممزوج بعطر الورد والياسمين

[مصطفى الحسن]

السلام عليكم
هلا فيك يالحبيب
بالنسبة لأسالتك ياعزيزي
النزلة كالعادة بهالصيفية وبالتحديد اكتر من نص السابع وبعد (يمكن تقدم او تتاخر حسب المشاريع اللي مرتبط فيها )
ونية الزواج ان شاء الله موجودة والله يسر (عقبال ما افرح فيك ان شاء الله )
(طلع على حالك إذا انا ختيرت ماتم ولاشعرة لا بيضة ولا سودا براسك ههه)
ودمتم

[مصطفى العلي]

اي والله يا حبيب
ههههههههههه
ختيرنا راحت علينا
هههههه
يسلمو على اجوبتك وان شاء الله بالتوفيق والف مبروك سلفا
وان شاء الله ان الله سهلنا منحضر عرسك وان ما حضرنا بتحضر قلوبنا معك

[احمد الاسعد (ابو شريف)]

بما أنك ما رديت على موضوعي (مشاريع شباب النيرب)
بدي أسألك لو الله رزقك وصار معك كام مليون دولار
شو المشروع اللي بتعملوا ووين بتعملوا؟؟؟؟؟؟

[زهرة النرجس]

السلام عليكم
تخيل نفسك في برنامج وطلبوا مكنك اسم شخص لحتى تهدي الهدية وتهدي اغنية فيا ترى شو اسم الشخص وشو هيه الهدية وشو اسم الاغنية ؟؟؟؟؟شكرا

[مرهف اسعد]

لك خيو انا عندي اعتراض شو لسا ميسكلنا جماعة السعودية واحد واحد
جبلنا شي واحد من براتنا حتى نسخا في

[مصطفى العلي]

على قد المحبة انت بتعرف

[مصطفى الحسن]

السلام عليكم
يالله لكان شدلي همتك ياصطيف

*****************************
حبيبي احمد : يمكن انتبهت على الموضوع بس ماصرلي وقت لردلك عموما يمكن مشروع مركز تدريب
للغات والكمبيوتر ويكون شي محترم ومرتب ببلدنا بادلب يكون ببالي
ولا يهمك المجال مفتوح لسؤال تاني وتالت ورابع .........

***************
اما بالنسبة لك عزيزتي زهرة النرجس انا في كتير اشخاص بحياتي إلهم فضل كبير عليي (وصعب احصر محبتي وهديتي لشخص واحد بهالدنيا )
سواء الولدين او الاخوة او الاصدقاء أو ......!!! اما الهدية إذا كانت مني فبالمال والروح وكل مايمكن الاهداء به انا جاهز ان شاء الله ومابقصر

*************************
حبيبي مرهف بدل ما تعلق على مديرنا العزيز شلفلك شي سؤال ؟؟!!!!

ودمتم

[مهند خالد الأسعد]

كيفك صطيف يالله اعترف ههههههه
الاجوبة لازم تكون اكثر واقعية يعني انتي خاطب و ما حدا قال انك بتحب خطيبتك اكثر من أهلك بس بظن أنو الخاطبين اذا بدهم يهدو أغنية بتكون للخطيبة؟؟
تفضل اعترف :

* شو أفضل مشروع ترفيهي ممكن يصير بالضيعة ؟

* اذا كنا نحتاج الى روضة متكاملة لتعليم الاطفال دون سن ال 6 سنين
شو لازم تكون مواصفاتهاومنهجهاالتعليمي ؟

* اذا كانت المحبة بين الناس موجودة
فلتزيد وتدوم شو بتنصحهم ؟؟

*هل يوجد خطة واضحة للعودة من الغربة ؟

*اذا كان لكل شيء هدف
فما هو هدفك في هذه الحياة ؟؟

ملاحظة:خليك تحس بالاعتراف هههه
( طبعا الاسئلة على قد المحبة وانتي واعي خلينا نستفيد من أفكارك )

[مصطفى الحسن]

اول شي بشكرك من قلبي على هالاسئلة وبالعكس انا بتمنى انو تكترو من هالاسئلة

* شو أفضل مشروع ترفيهي ممكن يصير بالضيعة ؟

اتوقع انو استراحة على نمط استرحات السعودية مع كل الخدمات (مسابح والعاب وجلسات ..) تكون مشروع ترفيهي حلو بالضيعة

* اذا كنا نحتاج الى روضة متكاملة لتعليم الاطفال دون سن ال 6 سنين
شو لازم تكون مواصفاتهاومنهجهاالتعليمي ؟
مواصفاتها ومنهجاها لازم تكون التعلم من خلال الترفيه والالعاب ويحب ان يكون تعليم الطفل على ان يكتشف المعلومة اكتشاف وليس تلقين ؟؟

* اذا كانت المحبة بين الناس موجودة
فلتزيد وتدوم شو بتنصحهم ؟؟

التسامح وتصفية القلوب وجعل المحبة لله ليس من اجل اهداف دنيوية

*هل يوجد خطة واضحة للعودة من الغربة ؟
إن شاء الله بعد الانتهاء من الدراسات العليا(مجستير او دكتوراه حسب التيسير ) (لانو الغربة متل المخدرات كل ماطولت ادمنت اكتر وماعاد فيك ترجع واللي بيخليك ترجع لبلدك هني اولادك )


*اذا كان لكل شيء هدف
فما هو هدفك في هذه الحياة ؟؟
نشر الدين والمحبة بين الناس

ملاحظة:خليك تحس بالاعتراف هههه
( طبعا الاسئلة على قد المحبة وانتي واعي خلينا نستفيد من أفكارك )
اكيد ابو خالد واسال شو مابدك انا جاهز

[احمد زكريا]

اهلين بأخوي شو اليوم طلع اسمك
بدي اعرف منك شو علمتك الغربة
واذا كنت ببلد غربة لوحدك وما عندك حدا من جماعة الضيعة مع مين ممكن تمضي وقتك وكيف بتتوقع يكون

[مختار الدرعية]

اذاممكن ذكر موقف واحد على كل ممايلي:

- زاد في التزامك الديني
- اضحك كثيراً
- اغضبك كثيراً
- زعلك أو احزنك كثيراً
- نقطة تحول بحياتك
-احزجك كثيراً

[مصطفى الحسن]

اهلين بأخوي شو اليوم طلع اسمك
بدي اعرف منك شو علمتك الغربة
واذا كنت ببلد غربة لوحدك وما عندك حدا من جماعة الضيعة مع مين ممكن تمضي وقتك وكيف بتتوقع يكون

على راسي اخوي ابو زكريا
الغربة تعلمت منها شغلات كتير الصبر اول شغلة وبعدها كيفية التعامل مع الناس هدول اكتر شغلتين تعلمتهم
اما بالنسبة لو كنت لوحدي : في اما رفقاتي من سوريا موجودين هون قبلي او بهالحالة إذا مافي حدا مالي إلا زملاء العمل اللي رح يكونو معي


وشكرا

[مصطفى الحسن]

اذاممكن ذكر موقف واحد على كل ممايلي:

- زاد في التزامك الديني
- اضحك كثيراً
- اغضبك كثيراً
- زعلك أو احزنك كثيراً
- نقطة تحول بحياتك
-احرجك كثيراً

هلا بيك
زاد في التزامي الديني : وفاة زميلي ايام الدراسة
والسبب الثاني هو اصدقائي ايام الدراسة
اضحك كثيرا : مواقف كتير صارت عنا بالبيت بالملز (العزابية )
اغضبك كثيرا : اي موقف فيه كذب يغضبني
حزن كثير : حزن كثير يوم وفاة اسامة الله يرحمه
نقطة تحول بحياتي : الغربة + الخطبة
احرجني كثيرا :مافي موقف معين احرجت فيه كتير

وشكرا

[مرهف اسعد]

اجا دوري صطيف مو انتي هيك بدك تحمل لكن
ماذا تفعل اذا تغيرت معاملة شخص عزيز عليك
جاوبني على هادا السؤال
وبعدين تسلى بهدول على راحتك
على فكرة انتي بدك هيك

ابي هو : .....؟؟

امي هي :.....؟؟

اشقائي هم : .....؟؟

مسؤولي هو : .....؟؟

سيارتي هي : .....؟؟

الحياة هي : .....؟؟

الحب هو : .....؟؟

التفاؤل هو : .....؟؟

الخيانه هي: .....؟؟

الصداقه هي: .....؟؟

الاحباط هو: .....؟؟

حكمتي هي: .....؟؟

قدوتي هو: ....؟؟.

عدوي هو : .....؟؟

اسعد لحظه في حياتي هي: .....؟؟

اكثر صفة تعجبني في نفسي هي : .....؟؟

نقطة ضعفي هي :.....؟؟

عوامل قوتي هي : .....؟؟

مشكلتي هي : .....؟؟

اكبر امنياتي هي : .....



يالله ياحلو لشوفك
خلص وجاوبني كمان على هالسؤال
برايك بتقدر تبيع الشخص الي باعك حتى لوكانت معزته كبيرة في قلبك؟؟؟؟؟؟

[مصطفى الحسن]

يسلموا حبيبي مرهف على هالاسئلة ورح جاوبك عليها

1- ماذا تفعل اذا تغيرت معاملة شخص عزيز عليك

بحاول نبهو انو تعاملوا معي اتغير واحاول ان التمس له الاعذار والشخص المعدنو سليم إلا مايرجعلك

ابي هو : نور دربي ؟؟

امي هي :شمعة الحب والحنان اتي لا تخمد ابدا ؟؟

اشقائي هم : املي وسندي ؟؟

مسؤولي هو : شخص احترمه ؟

سيارتي هي : اكووورردد؟؟

الحياة هي : الحب + الامل ؟؟

الحب هو : ان تنام ولا يوحد بقلبك على احد شي ؟؟

التفاؤل هو : سكر الدنيا ؟؟

الخيانه هي: دبح الاخرين لكن من غير سكاكين ؟؟

الصداقه هي: ان تعطي اكثر مما تاخذ +صراحة ؟؟

الاحباط هو: ان تصدم بشيء من شخص لا تتوقعه منه ؟؟

حكمتي هي: بالمحبة تصنع كل شيء ؟؟

قدوتي هو: نبينا محمد صلى الله عليه وسلم ؟؟.

عدوي هو : الكذب +الشدة +الاركيلة ؟؟

اسعد لحظه في حياتي هي: النجاح (ربما الزواج مابعرف )؟؟

اكثر صفة تعجبني في نفسي هي : طيبة القلب (مابعرف) ؟؟

نقطة ضعفي هي :؟؟؟؟؟؟

عوامل قوتي هي : ديني +علمي+اخوتي+اصدقائي؟؟

مشكلتي هي : اني احاول تغيير الذين حولي لكن لا استطيع ؟؟

اكبر امنياتي هي :دكتوراه في امن المعلومات
ولآخرين ان اجد كل ماركل او لعيب شدة ترك هالمصلحة



يالله ياحلو لشوفك
خلص وجاوبني كمان على هالسؤال

برايك بتقدر تبيع الشخص الي باعك حتى لوكانت معزته كبيرة في قلبك؟؟؟؟؟؟

مابيعوا بس بنساه !!!!

[لؤي ابو الطاهر]

السلام عليكم


من هو اقرب انسان تفضفض له اذا ضاق صدرك

وانت على شاطيء البحر وجدت 3 صدفات عند فتح كل واحدة تتحقق لك أمنيه
ماهي يا ترى الأماني التي ستتمناها؟

واحلا صطيف انا ما بطول

[مصطفى الحسن]

السلام عليكم


من هو اقرب انسان تفضفض له اذا ضاق صدرك

وانت على شاطيء البحر وجدت 3 صدفات عند فتح كل واحدة تتحقق لك أمنيه
ماهي يا ترى الأماني التي ستتمناها؟

واحلا صطيف انا ما بطول

هلا عزيزي لؤي
بالنسبة لسؤالك الاول اقرب انسان اخوتي ومن ثم اصدقائي وبالايام ان شاء الله زوجتي

اما الاماني
الامنية الاولى : ان يبعد الاركيلة عن مجتمعنا
الثانية : الزواج (قريبا ان شاء الله )
الثالثة : بيت بالضيعة
وشكرا

[مهند خالد الأسعد]

هلا عزيزي
الامنية الاولى : ان يبعد الاركيلة عن مجتمعنا
الثانية : الزواج (قريبا ان شاء الله )
الثالثة : بيت بالضيعة
وشكرا
بيت بالضيعة فهمناها بس
هيك روحت الامنيات عالفاضي اي لو بتطير الشدة والاركيلة ما رح يوقفوا طب هالصدفات من ايدك
ههههه

[اميرة الزهور]

مرحبا صطيف معك علي قلب الاسد بدي اسالك
- شو اثرت فيك الخطبة وشو غيرت فيك . وهل تظن انو غيرتك .وشو بترد على بيقول انو مصطفى تغير بعد ما خطب
وشكرا

[مصطفى الحسن]

السلام عليكم
هلا بالغالي ابو محمد (قلب الاسد )
بالنسبة لسؤالك انو شو اثرت في الخطبة اكيد اثرت في وبشكل كبير لانو كلياتنا مرينا بهالمرحلة
والخطبة والتحضير للجازة ولهل الامور يشدك للدنيا ولسوريا اكتر لانو صار في شي جديد بحياتك
اما بالنسبة إلي شو تغير او انو انا اتغيرت مافيني جاوبك . اتوقع انو ماتغيرت كتير لهل الدرجة اللي متصورها انت (يمكن اليوم جيتوا في لعنا للرياض كنت علقان بمشكلة هون لهيك يمكن حسيت انو انا متغير والسبب وقتها انو مشاكل كترانة عليي والسبب مو الخطبة ) واللي حوالي يمكن الشباب بالبيت او اخوتي بيحكموا اكتر بالموضوع


ودمتم

[مهند خالد الأسعد]

الرجال ما جاب سيرة المشاكل
بس عم يسأل بشكل عام
وبعدين وصلني اليوم أنك أمس كنت عم تلعب بالشدة فليش بدك ياها تختفي؟

[nayrab80]

سؤال واحد فقط: مارأيك بالحياة الدنيا.

[مصطفى الحسن]

الرجال ما جاب سيرة المشاكل
بس عم يسأل بشكل عام
وبعدين وصلني اليوم أنك أمس كنت عم تلعب بالشدة فليش بدك ياها تختفي؟

هلا حبيبي ابو خالد : خيو مسكت الورق خمس دقايق مو منشان شي بس من شان فرح الشباب شوي الله وكيلك إلا شوي بدهم يخبرو الجزيرة من شان ينزولها خبر عاجل (بعدين لاتذكر الشباب راح الدق على ابو زكريا بسببي !!!)))

[مصطفى الحسن]

سؤال واحد فقط: مارأيك بالحياة الدنيا.
حديث الرسول عليه الصلاة والسلام بيلخصلك مفهوم الحياة الدنيا
قال المصطفى صلوات الله وسلامه عليه :

( ما أنا في هذه الدنيا إلا كراكب أستظل تحت شجرة ثم قام وتركها )
وكلياتنا عم نحاول ونسعى نمضيه بخير وسلامة وبرضا الله و الوالدين
وشكرا على سؤالك الحلو ابو خالد