المساعد الشخصي الرقمي

مشاهدة النسخة كاملة : إقتراح مشروع تجاري

جنرال
05-21-2009, 05:47 AM
شركة النيرب المساهمة المغفلة



السلام عليكم


الاخوة الاعضاء وأهل القرية الحبيبة
مارأيكم بتأسيس شركة مساهمة مغفلة بإسم القرية ؟


طبعاً حسب الردود والاقتراحات المطروحة يتم تحديد النشاط و رأس المال ولكن من حيث المبدأ مارئيكم؟؟؟؟؟
احمد الاسعد (ابو شريف)
05-21-2009, 10:31 AM
والله فكرة حلوة
وخاصة سوريا بدأت تدخل بالبورصة
وشركة مساهمة برأسمال مئة مليون ليرة سورية
بداية حلوة
ممكن تكون مجموعة كاملة
فيها التجارة والمقاولات والانشاءات
وتجارة السيارات والاستيراد والتصدير
يعني تكون مجموعة متكاملة
خالد عبد الهادي
05-21-2009, 12:57 PM
فكرة حلوة وياريت تصير على أصولها
بس بظن رح نحتاج كم محكمة وشي 10 فروعة أمن وفرع اطفاء وشرطة نجدة .......
لؤي ابو الطاهر
05-21-2009, 01:52 PM
هاي من اولا هيك


اشبكن لاقيتولو لزلمي من اول الطريق


بركي عندو طريقة مفيدة جد وبعدين فكرة حلوة والله
مصطفى العلي
05-21-2009, 03:08 PM
وشركة مساهمة برأسمال مئة مليون ليرة سورية
يعني ببالك مية مليون بتفتحلك شركة كبيرة بسورية ؟؟؟
بنايتين تلاتة بمركز المحافظة بيخلص مصاريك
بدك تحكي على هيك شركة بالمليار
ومو غلط تصير هيك شركة وتشغل شباب النيرب
وقادرين تجار النيرب يفتحوها يعني شوفو اقتراحي انا :

يعني اربع خمس تجار يتفقو سوا ويفتحو هيك شركة
يكون مجال عملها قسمين :
العقارات والبناء ويتم بناء بنايات كتيرة ويتم تقسيط الغرف على المشتركين
وهيك بتلم كل الخبرات يلي اكتسبها شباب قبرص وبيشغل كل واحد بمجاله
وبتأمن بيوت رخيصة للشباب
المجال التاني هو مجال الاغذية والتسويق
ويلي شاطرين فيها كل شباب النيرب مثل توضيب الفواكه والخضروات
و افتتاح مجمع تجاري على الاوستراد
اكيد رح يكون اكبر واشهر منتج بالمحافظة ورح يكون ربحه كبير
وطبعا برادات النيرب بتشتغل من دون توقف و كل مين بمجال عمله
يا شباب الفكرة مو غلط ولا تاخدوها بالمسخرة فكرة حلوة
بس هاتو مين يطبقها
وانا متأكد انها رح تكون اكبر شركة رابحة اذا تطبقت مظبط
هاي اذا تطبقت
وشكرا على موضوعك يا جنرال
nayrab80
05-21-2009, 04:43 PM
والأدارة مين...!!!!
يا شباب المشكلة عنا بالضيعة صاير متل شريعة الغاب !
ممكن تظبط بحالة وحدة اذا كان واحد ( طبعاً ذكي تجاريا وواعي ) له اكثر من نصف المشروع ويكون الباقي ممولون لكي يكون صاحب القرار واحد مو مية؟
ferass98
05-21-2009, 10:23 PM
الفكرة حلوة كتير بس على مايبدو انو مع كل التطور الي وصلنالو للاسف هيك افكار بتكو كبيرة علينا وصعب نستوعبا وبتمنا انو هيك مشروع يتم لانو اذا صار بيدل على التطور والحضارة وشكرا على الموضوع
احمد الاسعد (ابو شريف)
05-22-2009, 01:57 AM
الفكرة يا ابو كامل بتبدأ بمية مليون وهدا مبلغ أكتر من كافي للبداية
والفلوس بتجيب فلوس
وبالنسبة للإدارة يا أبو خالد رح تكون من الناس المساهمين
يعني بصير ترشيح رئيس مجلس ادارة من الاعضاء المساهمين
والقرارات تعرض على مجلس الادارة والتصويت عليها
وهيك مشروع ناجح بكل المقاييس انشاء الله
احمد زكريا
05-22-2009, 11:23 PM
الفكرة من حيث المبدأ حلوة بس التنفيذ شبه مستحيل
الامبراطور ابو جعفر
05-23-2009, 03:35 AM
ياشباب لازم تشجعو على هيك مشاريع
ياما في مشاريع بلشت بمبالغ صغيرة
والشجرة الكبيرة كانت صغيرة وكبرت انا بوافقك على هالمشروع
وبأيدك مشروع ممتاز
waseem
05-23-2009, 05:08 AM
والله فكرة حلوة كتير وخاصة باهالاوضاع البتهوي يلي عمنعدي فيها ومنرشح الجنرال للادارة
فادي
05-23-2009, 07:49 PM
و الله فكرة اكتر من رائعة بس تعا فكر شوي و اسال نفسك كم سؤال :
اولا : كل شخص عنا بقول انا معي مصاري و عم اشتغل ليش لدخل معي شريك و يقاسمني بالربح و على مقولة اهل النيرب المشهورة ( اللي الو شريك الو معلم )
ثانيا : موضوع الادارة ما اظن انو يحسنو المشاركين باختيار المدير لانو كل شخص رح يشوف نفسو على الشخص الثاني و يفكر نفسو الرجل المناسب لهل المنصب طبعا مع احترامي لكافة تجار النيرب
و امور كتيرة ما الها نهاية
بس بالاخر فكرة ممتازة و يارب يصير متل هيك مشروع
و الله ولي التوفيق
و شكرا
تحياتي
ورووووود
omar2007
05-23-2009, 10:44 PM
شورئيكم ياشباب انو يكون الدكتور فادي يكون مدير هدا المشروع لان بعتبار ان هوي دكتور مهيئ لاالأدارة اكتر واحد
فادي
05-24-2009, 09:40 PM
شورئيكم ياشباب انو يكون الدكتور فادي يكون مدير هدا المشروع لان بعتبار ان هوي دكتور مهيئ لاالأدارة اكتر واحد


لا تعليق !!!!!
waseem
05-24-2009, 10:04 PM
انا برشح الاستاز فادي للادارة بما انو عندو خبرة والرجال وكيل حصري لمستحضرات تجميل والله الموفق
عمر 1987
05-25-2009, 04:18 AM
والله يا مصطفى فكرة حلوة كتير =-= بس الحكي عا لفعل و التطبيق
ferass98
05-25-2009, 04:28 PM
الموضوع طرح للنقاش الجاد مو على شان المزح لكن على ما يبدو انو هيك افكار كبيرة على عقولنا لهيك بناخد الموضوع على محمل المزح المفروض انو نشجع على هيك مشروع ونسعى لانجازه وشكرا على الردود المفيدة
خالد عبد الهادي
05-25-2009, 05:42 PM
أنا شايف الخلاف باشر على تسمية مدير المشروع معناها شو رح يصير عند ما نوصل لوضع النظام
ferass98
05-28-2009, 11:03 PM
والله اذا اخدنا الموضوع بشكل جدي بتوقع انو تكون الخلافات طبيعية بس المشكة بتكمن بمستوى التفكير الى اي حد ممكن توصل بطموحاتك وعلى فكرة موجود الامكانيات الكاملة لهيك مشروع عنا بس بدا شغل كتير والمدير بيتعين بعدين
مهند خالد الأسعد
05-29-2009, 03:12 AM
المشروع صار جاهز بعد ما تجمعت الأفكار
وبشكركم جميعا
ياالله ابراهيم متى جني الارباح؟
يبدو انك طرحت الفكرة بالمكان الخطأ لأني ما شفت ولا فكرة متكاملة
برأيي منخليلكم ابو الزوز يوفق بيناتكم
لأنو الشباب اتفقوا انهم ما يتفقوا.....
برأيي مشروع سياحي أو عقاري بكون كويس ؟؟
سياحي متكامل من مطاعم و مسبح وملاعب وساحات خضراء وجلسات عائلية خاصة مقسمة للاجار وعامة للجميع مثل عند ابو يحيى بس يكون اضعاف حجمه
عقاري بناء جمعية سكنية حتى لو باسم المعلمين او الحزبيين او او ؟؟؟
شو رأيكم