( كيد البنات ) -- .. الله يحرسنا

[مصطفى العلي]

قـريت قـصه عجبتنـي وحبـيت انقـلها لـكم



قال مرة في صار حادث بين سيارتين السيارة الاولى يسوقها شب والثانيه تسوقها بنت المهم السياراتين صاروا عجينة وأكيد مارح يفكروا يصله هيك خردة وهالشب والبنت طلعوا من الحادث زي الشعرة من العجينه يعني بقدرة قادر .....


المهم بعد ما طلعوا من السيارتين باركوا لبعض سلامتهم من الحادث الأليم اللي الواحد يشوفه يقول أكيد وفيات لا محاله وقعدوا يحكوا مع بعض لوقت ما تصل الرافعة ....

وكالعادة بدأ الشب الجنتل بالكلام وقلها شايفة هالصدفة الأليمة ... أنا كتير مبسوط فيها لأنو تعرفت عليكي فيها "بدا يتقرب الملعون" ...... قالتوا مع انه حادث مؤلم وراحت سيارتي لكني كمان سعيدة اني لقيتك وتعرفت عليك وبركوا بعدها يضحكون مع بعض ونسوا الحادث وتم التعارف بينهم .....

بعد شوي قالت البنت : تصدق أنو حظنا حلـو معي في السيارة قزازة وسكي على كيفك إيش رايك نشرب ونحتفل بتعارفنا ونفرفش ومشان ننسى الحادث ...... قال الشب فكره حلوة وهيك بأثبتها أني جنتل ومابيهمني الشرب وغيروا ومسك السب هالقنينة وبلش يشرب ويشرب حتى بديت الدنيا تلف وتدور فيو ... قلها للبنت أمسكي بقى أشربيلك شوية لأجل الفرحة

ردت بخبث : اذا صرت غبيه مثلك بشرب وبسكر هلق ...بعد شوية جاي شرطة المرور ورح يلاقوك سكران ويحكوا الحق عليك 100 % ورحتنجبر تدفعلي الضرر وتصلحي سيارتي كمان يا جنتل

~ هههههههههههههههههههههههههه ~

بقى يا شباب شو رأيكم؟؟؟
البنات لازم يتطبق هالمتل كمان مو بس الرجال
( يا مآمن للبنات ... متل المي بالغربال )

مو هيك ولا في شي أخطاء ههههههههه

[ahmad-scs]

إن كيدهن عظيم
بس انا بقول مافي بنات بكل هالذكاء حتى يساوو هيك مكيدة للرجال
لانو بسمع انا النساء بنص عقل صح ولا كيف:ta3ag::156cc517af78d689db0

[القمر الشارد]

مشاركة حلوة ولطيفة بس اكيد يعني مو حقيقية
بعدين يا احمد بمشاركتك هاي تعدي واضح على البنات والله يجيرك
وبالنسبة لنص عقل لا انو ماعنهم مخ يفكروا فيه بس لانهم بغلبوا العاطفة على العقل
اما بالنسبة لموضوع ان كيدهن عظيم فهذا شي ذكره الله سبحانه وتعالى لك حتى ذكر بآية تانية (( ان كيد الشيطان كان ضعيفا )) بقى تصوروا انه كيدهم عظيم وكيد الشيطان ضعيف والله يجيرنا كلنا

[مصطفى المحمد]

:9:انا مع احمد مافي بنت بهذا الذكاء إلا إذا صاير فيها هذا المقلب من اول

[مصطفى العلي]

يا سيدي واضح من بين الشباب مين بحب البنات ومين حاقد عليهم

:36_1_20::36_11_6:
ويا شباب لا تجعلو كل البنات سواسية ولا كل الشباب متل بعضها
في هيك وفي ابشع وطبعا وشي اكيد في احسن وفي اذكى وفي اغبى ودنيا مشكلة ما في حدا متل حدا

[اميرة الزهور]

:156cc517af78d689db0:156cc517af78d689db0:156cc517a f78d689db0:0859eb0946918544d89:0859eb0946918544d89

متل مافي بنات بنص عقل متل ماعبتقولو في شباب بنص وبلا عقل كمان
بقا الله خلق لكل واحد وفيه عيبو ماحدا بيقدر يقول انو كامل
ليش هيك عبتعطو على الحلف النسائي
وبعدين القصة بدل على انو هالشب بلا عقل
والبنت الذكية استخدمت عقلها وفكرت لوالشب ذكى ماكان وافق على هالشي والي كان عبيفكر تفكير سيئ هو المستاهل خرجو

[مصطفى العلي]

:182fd25f9b06446ba41 انا ما حكيت طولي بالك علينا
احكي على الشباب يلي عبيحكو بس
اوكي:36_1_20::36_11_6:

[اميرة الزهور]

بعرف انك ماحكيت انا عبحكي على الي حكي

[waseem]

عيب عليكن تحكو هيك على الحريم والزكا في بالبنات والشباب شو نص عقل مانص عقل

[اميرة الزهور]

يسلمو كتير ياعمو اي هيك الحكي
شو نص عقل مانص عقل

[ahmad-scs]

اكيد ماحدكامل غير الله عزة وجل
بس انا بسمع انو البنات بنص عقل وليس انا من يقول هذا
وبعدين يا اميرة الزهور البنت بالموضوع ما استخدمت ذكائها متل ما كتبتي لانو الشيء الي عملتو كان خيانة الصلحة
كمان الرجل تحطمت سيارتو متل ماتحطمت سيارتا ولله انقذن من الحادث فليش هالمكيدة اللعينة؟؟؟
هااا ليش؟؟؟:ta3ag:

[اميرة الزهور]

اكيد الكمالة لله عزة وجل
بس ليش انتو بتاخدو بالسمع جربتو شي عن ذكاء البنات ولا كل مين قال البنات بنص عقل خلص صدقتو
متل اي شغلة بتنقال بنسمعها وبنصدق
جربو بذكائنا بعدين احكموهي اولا
تانيا اكيد هالقصة في بلاد اجنبية ولو ببلاد عربية كان نزل واعتزر وصلح السيارة فورا بدون لجوء الفتاة لااساليب الملتوية وفهمكن كفاية

[ahmad-scs]

اي اي هيك انتو البنات ما بترموا واطي حتى لو كنت مرتكبين الخيانة العظمى ولا بتعترفو بالغلط
دائما بجادلو الناس و بظنو حالكن انتو على صح و الرجال على غلط
بعدين ما مصدق كل شيء بنسمعو بس الرسول محمد قال (ناقصات عقول)وذلك لتغليب العاطفة على العقل
يعني انتو البنات عندكن العاطفة اسرع من العقل لهذا بقولو عنكن( الجنس الطيف)هيك ولا انا غلطان؟؟؟؟

[مصطفى العلي]

:36_1_20:لك شو القصة ؟؟؟؟؟ الظاهر الشباب والصبايا علقو بالموقع بدكم حدا يخلصكم!!:36_11_6:
هلأ هالقصة كلها من باب التسلية ما بدنا نخليها تأثر على اخوة الاعضاء ان كانت شباب وصبايا
وانت يا احمد الظاهر انك متعرض لوحدة متل هالشخصية يلي بالقصة بس لا تنسى انو مو كل البنات متل بعضهم ولا تجملهم و كمان في شباب ونحن منعرف شباب تستخدم عاطفة المرأة للضحك عليها في عدة امور لسنا بصدد ذكرهااوكي
بس بالمختصر لا تجملو الشباب ولا تجملو البنات احكو على هالشخصية الموجودة بالقصة وما رأيكم فيها وزيادة

[اميرة الزهور]

يسلم فمك هيك الحكي

[مصطفى العلي]

:29:
الله يسلمك يا رب

[ahmad-scs]

خلص ---مشانك يامصطفى

[القمر الشارد]

ياجماعة انا قلت رأيي بالأول ومتمسك فيه
انه لما قال الرسول محمد عليه الصلاة والسلام ناقصات عقل ودين
هذا لانهم يغلبوا العاطفة على العقل وانا اراها من اجمل الصفات التي تملكها المرأة وهذا ليس انقاص بمقدار ذكائها ياشباب بالعكس في نساء خلدن بالتاريخ بذكائهن وخير مثال فاطمة الزهراء وعائشة رضي الله عنها ومن الملكات زنوبيا وحتشسبوت وشجرة الدر

[bahoa]

السلام عليكم
يااستاز القمر الشارد فعلا مذكورة باالقران الكريم نا قصات عقل ودين ولكن بأيامناصارت اصغر بنت بتضحك على ميت شب وازا نحنا نا قصات عقل ودين نحنا شو عرفنا انو انتو فيكن عقل اصلا ولا تنسى كمان انو كمان مذكور بلقران الكريم انى لكيدهن لعظيم واصلا انتو الشباب حفظانين جملتين بلقران نا قصات عقل ودين والشرع محللكن اربع نسوان
ومانكن شاطرين غير علينا

[اميرة الزهور]

الله حيو امنيح بالاخير طلع معي حلف نسائي

[مصطفى المحمد]

مزبوط اصغر بنت بتضحك على ميت شب بتعرفوا ليش لانوا المواضيع يلي بتضرحها البنت على الشب كلا بايخة وغير منطقية فاالشب هون بقلا إي من شان يسكتا فهي بتفكر حالا ضحكت عليه سلام

[waseem]

شايف النقاش احتد طولو بالكن انا برائي في من كلا الجنسين ان كان بنات او شباب مو بنص عقل مافي عقل بالاساس هادا الشي الواقع والمرء مابيغضر يحكم على بنت او شب من مجرد قصة او ضرف صاير معو بقى استهدو بالله الامر مو مستاهل وتحياتي للبنات والشباب مابدنا مشاكل اوكي

[اميرة الزهور]

حكيك مضبوط
هاد الشي الي انا عبقولو بس باينتو البعض من الشباب شايف حالو عقلو كامل
مو كل الشباب متل بعض ومو كل البنات متل بعض لاكل مين رب العالمين خلق فيه شي يميزو عن البقية

[محمد أحمد العلي]

والله مستحيللللللللللللللللللللل انوا اتكون بنت بها الذكاء قال بنت بدها تضحك على شب وين صارت هاي وينننننننننننننننن

[اميرة الزهور]

ليش مستحيل هاد مو ضحك هاد اسمو ذكاء
والي مابدكم تعترفو انو البنات اذكى من الشباب
الي صار بهالقصة ذكا وشطارة وحلال عالشاطر
بعدين مافي شي اسمو مستحيل بهالايام

[القمر الشارد]

الى الانسة bahoa شكرا لك على ردك
ولكن ارجو منك التفكر اكثر بما كتبت
اول شيء (( ناقصات عقل ودين )) حديث نبوي شريف وليس قرآنا وبالنسبة لقول الله تعالى فقد قالها الله تعالى في سورة يوسف اثر القصة التي حدثت مع سيدنا يوسف عليه السلام والمرأة التي اتهمته بالاعتداء عليها فجاء قوله مرادفا للقصة وقال تعالى ((فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ ))
وقد شرحت معنى الحديث ولم ازل اشرحه بأن سببه هو تغليب العاطفة على العقل وهذا شيء جميل اختص الله به المرأة
وانا لم الجئ الى موضوع انو بنت بتضحك على الف شب واذا جئت اليه فان هذا يضر بسمعة النساء فلم اعرف ان النساء يخونن ويتلهين بالشباب وهذا تفكيرك لك وحدك
وهو صحيح الله حلل للرجل الزواج من اربع لكن بشروط يجب توافرها وانا اول الرافضين للرجال الذين يؤمنون باربع زوجات للهو وللعبث وبدون هذه الشروط
ويمكن معك حق انه تقولي الرجل الشرقي دائما بحاول يقلل من قيمة المرأة وهذا الشي موجود بس تأكدي لأنو يغار منها لا اكتر لانها ثروة حقيقة وجنة الدنيا
انا بمشاركاتي التلاتة بهالموضوع حبيت بين رأي ومابعرف ليش حدة النقاش عم تتزايد بكل موضوع عادي
نصيحة مني الكم خلونا اخوان واصدقاء بالمنتدى اريح لراسنا كلنا وبالاخير المنتدى انفتح ليجمعنا بالرغم من ابتعادنا في دول مفرقة فخلوا ذكرى المحبة والوئام بينا والسلام عليكم

[مهند خالد الأسعد]

الموضوع حلو والحكمة منو الحنكة وخطر الخمر

بس ليش تكسير الصحون؟.؟؟
ورووووود

[مهند خالد الأسعد]

اول شي الحكمة بمخاطر السكران ؟؟
تاني شي حلال عالشاطر

[احمد زكريا]

يا جماعة السؤال الي بيطرح نفسو يعني السيارة انعجنت وقنبنة الوسكي ما انكسرت بعدين شو هالصدفة الغريبة الي خلت القنينة معها

[fadias]

مشكور على القصة الحلوة , بس هي الكلمة منسمعها على طول مو صحيحة او ما بتشمل كل البنات, بس لا تنسى تراجع نفسك لمن بتنسال على الكلمة قدام خطيبتك او زوجتك شوووووووووووووووووووو رح يكون ردك ؟؟؟؟

[walid]

النقاش الي عم يدور بينكن كلو بلى طعمة لأن كل واحد فيكن بيعرف انو الذكاء مو حكر على الذكور او الاناث وشي اكيد في بنات اذكى من الشباب متل مافي شباب اذكى من البنات
لأنو بالمحصلة التحياتيذكاء درجات

[مجد157940]

انا مع يلي بيشغل مخو ا ما بنتقد لا الشباب ولا البنات