الغيرة في النيرب (موضوع هام رجاء دخول الجميع للنقاش )

[مصطفى العلي]

السلام عليكم ورحمة الله وبركاته

اليوم موضوعنا عن الغيرة
يمكن تستغربو ليش حطيت هالموضوع ضمن ساحة مشاكل النيرب !!!
طبعا لان بقصد فيه الغيرة بين اهل القرية
من المعروف ان اي شخص يغار من التاني بيسعى ليملك متل ما بيملكه الشخص ولكن بشرط ما يمس الشخص ويكون يتمناله الخير وبظن هالغيرة محللة
واما الغيرة الاخرى فهي الغيرة من الشخص الآخر والتمنيات بما يمتلكه الشخص الآخر لنفسه مع حسده للشخص والتمنيات بتلاشي ما يملكه الشخص لانفراده وتميزه على الآخرين وطبعا هذا هو الحسد

اما الغيرة الجديدة والمنتشرة في النيرب بشكل كبير لازم انتو تحكمو عليها:
يعني جاري اشترى سيارة لازم اشتري متله
اخي اشترى كمبيوتر لاولاده لازم اشتري لولادي متله
اختي زوجها عنده مدجنة فإذنً زوجي لازم يشتري مدجنة
رفيقي عنده براد شغال معه لازم اعمل متله وساوي براد
فلان او فلانة نجح وعمل حفلة تخرج لازم نعمل متله
وووووووووووووووووووووووووووووووووووووووووووووووووو
و الــــــــــــــــــــــــــكـــــــــــــــثـــــ ــــــــــيــــــــــــــــــــــــــر...........
طيب ليش هيك عبصير معنا ؟؟؟
ليش الناس دائما عبتغار من غيرها وتعطل على نفسها وغيرها
ليش كان بالضيعة يمكن في مدجنة او تنتين صار هلأ بيجي 50 مدجنة
ومعظمها مو شغالة ؟؟
ليش ما منفكر بمشاريع جديدة منستفيد منها ومنفيد غيرنا
ليش ما منفكر بامور تبعد الفسق عنا وخلي الناس تغار منا
رح اضربلكم مثال :
تذكرو هاي السنة معظم الاعراس يلي صارت (مولدات )
والسنة يلي قبلها (كانت حفل )
!!!!!!!!!!!!!!!
مظبوط ولا لأ
وكلها غيرة
وحتى اليوم
الناس كلها غيرانة من بعضها
بيت فلان محتفلين بعيد راس السنة لازم نحتفل متلهم ونجيب الكاتو ونجيب الحلو
؟؟؟؟؟
وبعدين ؟؟؟؟؟؟؟؟؟؟؟
وشو هو الحل ؟؟؟

بانتظار آرائكم الغنية

[waseem]

الحل انو تغار من جارك او قرايبك غير هيك لا هههههههههههههههههههههههههههه

[سنان]

الواحد لازم يتطلع للي احسن منه بالدين ويغار منه

[مهند خالد الأسعد]

الله يعين العالم
والله فيه غيرة ايجابية يعني تشوف جارك نجح تحاول تنجح متلوا..
بس تقلدوا برأس السنة بمعصية ؟؟ غريب والله
ولا فلانة اشترت بدلة ب3000 لازم الكل يشتري ب3000 حتى لو ما معوا..!!
كلوا بيهون قدام المشترى اللي صاير عنا النيرب اليوم بتتبضع اكتر من ادلب هههههه على كل المواسم.

[عبدالرزاق الحسين]

والله محتار شو بدي اكتب يعني طرحت موضوع على درجة من الأهمية ولكن مهما قلنا لايمكن احد يتغير إلا إذا اراد هو ذلك يعني لازم كل انسان يقتنع انه هذا الشيء غلط ويتوقف عنه
وينصح غيره بهذا الشيء لأن المنافسة ليست في المعاصي والتفاهات والتقليد الأعمى انما المنافسة في الأشياء الحسنة التي تؤدي الى بناء المجتمع وليست بغرض الحسد او الظهور بمظهر التفوق على الغير
وقد قال النبي صلى الله عليه وسلم في آخر خطبة له:
(( أيها الناس، موعدكم معي ليس الدنيا، موعدكم معي عند الحوض، والله لكأني أنظر اليه من مقامي هذا، أيها الناس والله ما الفقر أخشى عليكم، ولكني أخشى عليكم الدنيا أن تنافسوها كما تنافسها الذين من قبلكم، فتهلككم كما أهلكتهم. ...............))
اذا فالمنافسة يجب ان تكون على الآخرة وليس على الدنيا نسأل الله العفو والعافية

[abu abdo]

انا برأي انو تكون الغيرة بالدين يعني جارك بصلي انت لازم تصلي اخوك بزكي انت لازم تزكي

[ام عبد الحميد]

الغيرة صفة فطرية خٌلقت مع الانسان يصعب التخلص منهاوأحيانا تكون صفة مطلوبة فمن الطبيعي أن يغار الاخ على أخته أو زوجته أو امه أو دينه أوحتى بلده لكن أن تصل بنا الغيرة للتقليد الأعمى فستتحول غيرتنا إلى تخلف وأحياناً إلى حسد.....
متى سيعرف الناس ماهو التميز الحقيقي فالمجتمع تربى على ان الاسلام دين خلق، وعطاء...
فبدل أن أغار من جارتي بإنها اشترت فستان وووو...بمبالغ باهظة أو أغار من جاري لأنه اشترى سيارة أو جاري الذي فرش بيته بافخر الأثاث لماذا لا أغار من تربية فلان من الناس ؟؟؟الذي ربى أولاده على الدين والعلم وأبذل مافي وسعي لتعليم أبنائي ليصلوا إلى أعلى المستويات لإنه بالعلم ترقى الامم وتعلواوأولادنا أمانة في أعناقنا سنسئل عنهم يوم الدين....
لماذا لاأغار من شخص تعلم واجتهد ونال أعلى المراتب والمحبة بين الناس ؟؟
لماذا لا أغار من شخص حريص على الطاعات وتأدية العبادات على أكمل وجههاوأسعى لأن أكون أحسن منه ؟؟؟
لماذا لا أغار من فلان لأنه حافظ للقران الكريم وأجتهد مثله؟؟هكذا كان الصحابة يتسابقون فلماذا لا نجهعلهم قدوتنا ونحصل على السعادة في الدنيا والاخرة...
ولكن هناك ظواهر للغيرة في مجتمع النيرب وهي طيبة ولله الحمد كالتسابق في بناء المساجد والحرص على الصلاة فيهاوخصوصاًفي رمضان...
وغيرة أبناء قريتنا على قريتنا وعلى بناتها من الغرباء وبدأوا ولله الحمد بالحرص على التعلم والتطورللأحسن ...
اللهم انر قلوبنا وعقولنا بماتحبه وترضاه وأبعد عن نفوسنا الغل والحقد واجعل قلوبنا عامرة بذكرك وبمحبة الناس واجعلناعباداًمتحابين فيك واحمي قريتنا من كل سوء وأنر بصائرهم واهدناواهدهم لكل خير يالله ياكريم
مشكور أخ مصطفى على هذا الطرح الجميل وجزاك الله كل خير
تقبل مروري

[القلب الشجاع]

مسا الخير للجميع
مشكور ابو كامل على ها الموضوع
بس انا برأي الشخصي لوحدي ما عم اشمل ابدا: هو النساء / لما فقد الرجل وظيفته الحقيقية و هي قيادة سفينة العائلة و استلمت المرأة بدلا منه الدفة
يعني النأ و كتر الزن على ادنين زوجها حتى ما تشعر بعقدة النقص امام النساء الاخريات و تستطيع بكل فخر باي سهرة تقول عنا هيك و جبنا هيك ووووووووالخ
بس بضل الحق على مين؟
على رجل الكرسي اللي عندها
اخي القارئ ان كنت من معارضي هذا الرأي من فضلك تذكر انه مجرد رأي شخصي و شكرا.

[مصطفى العلي]

السنتكم تدر عسل وحكم
مشكورين على ردودكم وبانتظار المزيد من الآراء

[مصطفى محمد العلي]

الغيرة والحسد شي كتير مضرعنا بالضيعة وانا براي
انو باقصى درجاتو عنا بس الي بدي اولو ان لو متبعين دينا
القران الكريم والسنة ما كان صار هيك فينا بس نحنا والحمد لله كلمالنا
عم نبعد عن دينا اللهم ردنا الى ديننا ردا جميلا

[ابي سرمين]

هل غيرة عادي طبيعية يعني منتشرى بكل مكان وبنفس الاسباب صارت امر تعودنى علي بس غير عن غير بتفرق
ورووووودورووووودورووووودورووووود
http://www.ibtesama.com/vb/imgcache2/122152.gif