مشكلة خطيرة و حساسة

[القلب الشجاع]

السلام علكيم:
حابب اليوم سلط الضوء على شغلة يمكن صارت عنا عادة و نشربها مع حليب امهاتنا
سألت حالك ليش نسبة الاغتراب في النيرب كبيرة؟
انا بقلكن ليش: لانو ابهاتنا الله يخليلنا اياهن من وقت نبلش نوعى على مستقبلنا ببلشو يحشو بدماغنا انو لازم تسافر اذا ما سافرت رح تموت من الجوع
مافي شي هون في حين كل الضيع اللي حوالينا ما حدا بيتحرك من ضيعتو
اي وبس تكبرلك شوي بتسترجي تقول لابوك بدي اتزوج و انستر
يالطيف الله ما خلقك
لا روح انقلع سافر جيب مصاري اول من وين بجبلك / بكير عليك
فكرت حالك صرت زلمي و من هاد الكلام
شو نسوا حالهن انو الرزق على الله
شو منصير نشتغل مكان الله (استغفر الله)
و احيانا يا اخي بسافر الشاب صغير بالعمر و خاصة الى الدول الاوربية و بس غلط و لو غلطة صغيرة
بصير حتى ابوه اللي بعتو شريف مكة على حسابو
والله كل واحد من ابهاتنا سيسأله الله ماذا اجرمت بهؤلاء الذين امنتك عليهم؟
وياريت بس هيك, اول ما بتحكي معهن على الهاتف بيسألك كيف توفيرك شو راتبك و..... وبالاخير من باب آل يعني الاصول و ليس الاطمئنان بيسألك كيف صحتك و ممكن يسألك عن دينك اذا اتذكر
لك حتى الميسورين ماديا صارو يبعتوا اولادهم ............ موضــــــــــــة............... و يا حرام ما حدا بياكلها غير الامهات الله يخليهم
رجاء كبير كتير منكم يا شباب يخليلي اياكن لا حدا يقلي بااااااااااااااااااالغت
تحياتي

[مصطفى العلي]

مشكور على موضوعك يا ابو عبدو
بس انا بخالفك الرأي من حيث وضع آبائنا المسبب الرئيسي بالمشكلة يلي نحنا فيها
لانك ذكرت انهم هم من يزرعو بفكرنا السفر !!!!!!!!!
فانا وغيري الكثيرين آبائنا هم المعارضين لسفرنا خارج القرية فما بالك خارج البلد !!؟؟
اما بما ذكرته عن مرحلة بعد السفر فانا معك 100%
فاول ما يسأل المغترب في اغتاربه ( كيف شغلك ان شاء الله عبتوفر )
حتى احيانا ينسون كيف صحتك
وطبعا الصلاة والصيام وامور الدين لا تسأل عنا ابداً
مشكور ابو عبدو وتقبل مروري

[سنان]

مو الاب بيزرع حب الاغتراب بس نحنا فعلا عم نرضعه مع حليب امهاتنا لانو ظروف الحياة هيك بدها وممكن بعد مانسافر ونرجع مانستفيد شي ونلاقي فرصتنا هون ببلدنا

[mossab]

الله يبارك فيك اصبت عين الهدف بصرف النظر عن زرع فكرة السفر... وسفر الشباب الى الدول الاوربية متل اللي عم يحط البنزين جنب النار وبدو اياه ما ينفجر ويشتعل وفهمك كفاية شو بعني من هادا المتل مشكور كتير على موضوعك

[احمد زكريا]

المشكلة انو الأنسان صار ضعيف الأيمان ولو كنا كلنا نؤمن ان الرزق في السماء وانو كل واحد رح ياكل رزقتو كان الواحد اشتغل ببلدوا وتوكل على الله ورزقو رح يجيه

[waseem]

اولا مشكور عالموضوع الحلو تانيا مو غلط ازا الشب اتغرب وحسن وضعو المعيشي للاحسن بس انا معك بشغلة وحدة شفر صغار السن الى الدول الاوربية والله اكبر جريمة بيرتكبوها الاهل بحق اولادهم وبالاخر كل انسان رزقته مقسومة ازا بسلفر عالمريخ

[walid]

أول شي مشكور على طرحك

أما ثانيا فأرجو منك القيام بإستطلاع للرأي وسوال المغتربين عن سبب غربتهم قبل ان ترمي الآباء بما رميتهم به

قد يكون هناك بعض ضعاف النفوس من الآباء ولكن اعتقد ان الاغلبية على عكس ماذكرت

أنا واحد من الناس لم يكن والدي مع فكرة سفري على العكس كان ضد وكان القرار قراري

أما بالنسبة لموضوع معارضة الاب لزواج ابنه أنا اعتقد انك مخطئ ايضا ,لأن الاهل ينتظرون وبفارغ الصبر ان ينطق الولد ويقول انه راغب بالزواج

اعذرني رأيي يتعارض تماما مع طرحك

لأنك قللت من شان الاب كثيرا واعتبرته يتاجر بسعادة اولاده

واظهرت من خلال سردك للموضوع كما لو أنك ناقم على الآباء

كما ارجو منك عدم التعميم لأنك بذلك تكون قد مسست كل شخص ممن قرأو موضوعك

ارجو تقبل رأيي , مع فائق احترامي لك

[abu abdo]

لا ياأخ القلب انا بخالفك الرأي انو هني يلي بيزرعو فكرة الاغتراب
بس بوافقك الرأي انو يمكن آخر شي ينسأل عنو الصحة ويمكن مايسأل عن امور الدين
ومشكور على موضوعك

[ابي سرمين]

والله يا خي الغربي ما حدى بيتحكم فيى غير الله
لو واحدنى صايرلو كلشي بلدو ما بسافر
لا انو الي بدو يبرك با لبلد بدو يكون اد حالو ويكون الو سند
ما ظن واحد ابو ميسور الحال وبسافر لا العمل
الا اذا كان ابو مع احترامي ما بردلو الخير هيك بنظري ما بعرف

[عامر]

والله ياشباب حكيكن على عيني ثم راسي بس الأهل بالنهاية ما بريدو الا مصلحة ابنهن بس مع ذلك في عنا شوية عقليات متخلفة بسفرو أولادهم وببطلوهم من المدرسة

[سليم أسعدالأسعد]

أنا معك لكن الغربة للاسف هي الشيء الوحيد بيستطيع الانسان من خلالها يكون حاله ومستقبله متل مابيقولو(ٍٍيوقف على رجليه)وللاسف اكتر معظم شبابناعم ينحرفو بسبب الاغتراب ومافينا ننسى فضل الا غتراب على ضيعتنا وخاصة في السنوات العشرة الاخيرة

[مشتاق للوطن]

انا رأي انو الغربة ثقافة منتشرة بالضيعة وما نظلم الأهل كتير

[مصطفى]

يا أخي...أنا بخالفك برأيك ولكن بنفسك الوقت أؤيدك في بعض الحالات..
متل ما بقولوا انو الأب بحب انو ابنو يطلع احسن منو سواءا في العلم او في الحالة المادية..ويمكن هذا السبب..اللي خلى آبائنا يخلونا نسافر ونجرب حظنا في هذه الحياة..ويمكن من باب ضيق الحالة المادية وهذا ما قلته أنت..وأنا أؤيدك في هذا..
أما بالنسبة للزواج...فهنا أنا أخالفك 100%...لان الأب بحب يشوب ابنو رجال وصار مسؤول عن عيلة ومتل ما بقولوا :(( ما أغلى من الولد إلا ولد الولد))...حتى لو كانت الحالة المادية مش ولا بد..بحسن شلون ما كان يزوجو..وحتى بدون عرس...((على قد لحافك مد رجليك))..المهم السترة
أم بالنسبة للإطمئنان عن الولد في الغربة..فرأيك يطبق في بعض الحالات...لانو صارت الحالة المادية والتوفير اهم من من السؤال عن الصحة وغيرها...
وللأسف..بضيعتنا بس الواحد يوعى شوي..بيبعتو اهلو لبلاد الغربة ...وهيك طبعاً رح يتعلم أشياء جديدة وعادات تخالف عاداتنا كما في البلاد الأوروبية وأمريكا وغيرها..وبيرجع الولد..ما بيتعرف على وطنو...آسف لأني طولت عليكم..بس هذا هو كل رأيي
تقبلوا تحياتي...وشكرا لكم

[فادي ابو كامل]

والله اعباء الحياة

[أبوياسر]

والله الغربة عنا بالضيعة منتشرة كتير وهو فعلا الغربة
ضرورية للواحد لتأسيس نفسه:29:

[أبوياسر]

والله الغربة ضرورية جدا ونحنا الغربة منتشرة عنا كتير
بس الواحد فينا ما عنده أغلى من وطنه:29:

[عارف]

مشكور على الموضوع لا تعليق

[مجد]

انا واحد من الناس صار معي نفس الشيء قال مفكر حالك صرت زلمي هو واولادو الكبار الي جوزن من حسابو سافرت وهلق كل مابحكي مع امي بتصير بتبكي وبتقلي بدي جوزك بس بعد شو انا امي مالا زنب لو اطلب روحا بتعطيني اياها لكن انا شلت هالفكرة من راسي الى ماشاء الله

[مصطفى محمد العلي]

والله يا اخوي انا بعارضك بشغلة ان الاهل عم يزرعو فكرة السفر بعقل لان قليلين الي بساو هالشي هاد
كل واحد عم يسافر تحت طمع نفسو لان كلياتنا منريد نحسن وضعنا ونكون حالتنا المادية كويسة