مشتاق للوطن
02-05-2010, 12:40 AM
بســــم الله الرحمــــن الرحيـــــــــم
(ويل لأمة تأكل مما لا تزرع , وتلبس مما لاتنسج)
قول معروف لجبران خليل جبران ماني حفظانو كلو
بس اللي خلاني اتذكر هي الجملة معناها العميق
و لي حبيت تكون هي مقدمة موضوعي لليوم
هلأ نحنا حتى اليوم الحمد لله عبناكل مما نزرع وعبنلبس مما ننسج
بس لأيمت ؟
يعني اذا بنلقي نظرة سريعة على
واقع الزراعة في النيرب
رح نلاقيه بحالة (يرثى لها)
وقبل مابلش ويسحب معي االكلام مثاليات وبيع حكي رح أفترض انو المنتدى
عمل حوار مع شي مزارع كان في يوم من الأيام من أنشط المزارعين
بس بعدين ترك الزراعة وصاريشتغل بأمو رتانية
( رح يعجبكم الحوار بس اقرأو بتمعن):
- عل العافية حجي
-أهلين وسهلين تفضل ...تفضل لهون.
-حجي نحنا منتدى النيرب حبينا نعمل معك حوارصغير كونك كنت واحد من كبار الفلاحين عنا بالضيعة .
-أهلين وسهلين على راسي المنتدى والله ومدير المنتدى أبو كامل,
بس يا ابني أشو بدي أحكيلك لأحكيلك يلي قال انو الأرض أغلى من العرض ما كذب يعني الله من عالي سما مبارك بالأرض ويلي بيشتغل فيها.
- طيب وشو صار لحتى هيك فجأة تركت الزراعة بالمرة؟ ,يعني سمعت انو حتى الزيتون ضمنتوا لتخلص من همو.
- ومين قلك اني تركتها فجأة وبعدين عمرو ماكان الزيتون هم حتى أخلص منو ولا مابتعرف سورة (والتين والزيتون وطور سينين) لتكون ما بتصلي
-ههه..... شلون لكان حجي بصلي نحنا أعضاء المنتدى كلنا منصلي الحمد الله ,يعني بفهم من كلامك انو مانك راضي عن الشي اللي صار
وبتتمنى انو يرجع فيك الزمن ووتعود تشتغل بالأرض.
- أنا مستعد أرجع وأشتغل ليل مع نهار , إيييييه , اشرب كاسة الشاي قبل ماتبرد لأنو يا ابني نبشتلي جروحاتي ورح احكيلك يلي جاي تسمعو مني
انا ياابني كان عندي أراضي على عرض الدروب ومافي قرنة بالضيعة الا وكان عندي فيها قطعة أرض .
وكان أشو ما بيخطر على بالك مواسم في عندي كل شي,يعني أشو بدي عدلك لعدلك حنطة.شعير ,كمون عدس حبة السودة كرز محلب
ماعدا كروم العنب يلي كان عندي منها كتير ولكل أنواع العنب وآخر شي عملت بساتين صرت أزرع فيها شجر من كلو
وطبعا الزيتون والتين هدا مفروغ منو يعني حتى التبغ كنت ازرعو عبقلك ما وفرت شي والحمد كانت موفاي معا نا
يعني مستورة والأهم من هيك انو كنا مبسوطين وكانو الولاد الله يرضى علين ويوفقن يساعدوني بكل شي
وكان عندي تركتور وكلفتور وتريلا وبعدين اشتريت صهريج وكانت المواسم عين الله عليها يا خي من زمان كل شي كان في بركة
- وكل هاي الأمور كنت تقوم فيها لوحدك؟
-يا ابني من زمان كان الواحد يصحى قبل طلوع الشمس ومايرجع لتعتم العين مو متل هلق بأدن الضهر والناس نايمة,
الله وكيلك ايدي على ايد المرة والولاد نحنا كنا نفلح ونبدر ونسقي ونحصد وحتى نبيع الموسم ,
الواحد من زمان كان عندو همة بتهد جبال مو متل جيل هالأيام العا يش على البسكوت والكولا
- لحديت الآن كل شي عبسمعو منك كويس وعال العال بس شو صار بعدين ؟
- الي صار انو كل شي تغير وأجت معي من كل الجهات يعني من زمان كانت المية كتيرة والمطر بركة الله وبتذكر انوكل الشتي ما ينقطع خيطا
وحتى بالصيف اذا بدنا نسقي كان سعر السوتير مهضوم بس مو متل هلق , المطر خف كتيرو سعر سوتير المي وصل للغيم ,
الله يعفي عنا من عند طلعولي على التلفزيون هدول نانسي ومامسي ومابعرف مين, الله محقنا وبعدين خليني قلك ,
الولاد كانو شايلين عني كتف وكنت اعتمد علين بكل صغيرة وكبيرة بتعرف تصور كان واحدن يعطل عن المدرسة طوال ما في حواش زيتون .
- مزبوط حتى انا بتذكر انو ايام موسم الزيتون كنت ادخل على الصف ما لاقي ست سبع طلاب والباقي معطل ؟
- و بعدين الكل راح بحال سبيلو ليشوف مستقبلو يلي كمل جامعة ولي سافر على شي دولة واللي فتحلو مكتب تجارة ويلي توظف
,ايه هاي سنة الحياة ,وبعدين حتى تكمل مع الفلاح المعتر ورغم انو كل شي غلي وصار بالنار ماعدا المواسم سعرها بتراب المصاري,
اي طيب يعني الواحد منين بدو يلقى ليلقى بعدين شوي شوي مليت , ترى ما مليت من الشغل بس من الوضع المشحر
ولا لو جيت لإلي انا مستعد ضل اشتغل بالأرض طوال ما عندي همة , فقمت أول شي بطلت أزرع خضرة بعدين بطلت أبدر,
وهيك كرت المسبحة..... لقلك شغلة بقى ,الزيتون من زمان كان سنة بيحمل وسنة لأ واذا خدمتو بيحمل كل سنة
إوين هلأ سوتير رايح وصهريج راجع ما عدا أجار الفلاحة و الشحالة ومع هالشي كل تلات سنين ليحمل مرة واشو هالحمل,
الحمد الله يارب لا اعتراض على حكمتك , يعني كمان الناس بطلت تصلي وبطلت تزكي يا زلمي حتى الأخ بطل يحكي مع أخوه
ولأ و كل شي إلا هدول الشباب المفصعنين اللي بيطلعو بنطو وبنقزو كل النهار على التلفزيون منين الله بدو يبارك في المواسم.
- طيب هلأ شو بتشتغل وكيف بضيع وقتك؟
- بقعد بالمكتب يلي فتحو ابني منشتري من هون شغلة ومنرد منبيعا, بس والله شغلة بتجيب مصاري الحمد الله عندي الولد فتح ماحالو شي
بعدين يعني انا مابيجي مني اترك الأراضي بالمرة, بطل علين كل فترة و فترة , وبشوف اشو لازمو سقي واشو لازمو شحالة ,
بركب السيارة هاي اللي صيفي على الباب والله مابعرف أشو بقلولا .....
-كورولا حجي اسم السيارة تويوتا كورولا .
- بطيخ بسمر يلي هي....بتصدق اسماء ولاد ابني وولاد بنتي مابعرفن أحيانا بخربط فين الكبر عبر ... إي متل ماقلتلك بركب السيارة وبفتل فيا على هالأراضي بس بتعرف شغلة , والله العظيم وهي حلفتني ومالك علي يمين تحلفني
مو عبركب سيارة وحديثة وما بعرف أشو وبتشتغل على الزرار بتكبس زر بيرتفع الشباك وبينزل لوحدو
و لسه ابني عندو سيارة فيا مية زر هديك مابعرف سوقا بس مع هدا كلو عندي ركبة التركتور وصوتو ودخنتو وقرقعتو بتسوى مية سيارة , ..................... يالله اشو بدنا من كل هالحكي قوم الغدا صار جاهز هلق بيبرد
-لا يسلمو حجي مافيي الله يديمك, بعدين لازم روح أطبع الحوار وحملو على موقع المنتدى .
-علي الطلاء مابتطلع من هون لتتغدى وبعدا روح سوي اللي بدك ياه, أشو بدك مدير المنتدى يحكي علينا ويقول ماقمنا بالواجب ............
.................................................. ......................النهاية..................... .................................................. ...........
مارح أ حكي كتير بعد هالحوار يلي ان شا الله يعجبكن
ويكون خفيف عليكن
و الهدف منو فقط التنويع في طرح القضايا والمواضيع ,
أنا منتظر أقتراحاتكم للنهوض بالزراعة
وجعلها مصدر رزق متل ما كانت من أول لجميع أهل القرية ومصدر دخل مادي حقيقي
آملين من المولى القدير أن يكون هذا الموضوع ومشاركاتكم عليه خالصة لوجهه الكريم
تقبلو ا تحياتي
(ويل لأمة تأكل مما لا تزرع , وتلبس مما لاتنسج)
قول معروف لجبران خليل جبران ماني حفظانو كلو
بس اللي خلاني اتذكر هي الجملة معناها العميق
و لي حبيت تكون هي مقدمة موضوعي لليوم
هلأ نحنا حتى اليوم الحمد لله عبناكل مما نزرع وعبنلبس مما ننسج
بس لأيمت ؟
يعني اذا بنلقي نظرة سريعة على
واقع الزراعة في النيرب
رح نلاقيه بحالة (يرثى لها)
وقبل مابلش ويسحب معي االكلام مثاليات وبيع حكي رح أفترض انو المنتدى
عمل حوار مع شي مزارع كان في يوم من الأيام من أنشط المزارعين
بس بعدين ترك الزراعة وصاريشتغل بأمو رتانية
( رح يعجبكم الحوار بس اقرأو بتمعن):
- عل العافية حجي
-أهلين وسهلين تفضل ...تفضل لهون.
-حجي نحنا منتدى النيرب حبينا نعمل معك حوارصغير كونك كنت واحد من كبار الفلاحين عنا بالضيعة .
-أهلين وسهلين على راسي المنتدى والله ومدير المنتدى أبو كامل,
بس يا ابني أشو بدي أحكيلك لأحكيلك يلي قال انو الأرض أغلى من العرض ما كذب يعني الله من عالي سما مبارك بالأرض ويلي بيشتغل فيها.
- طيب وشو صار لحتى هيك فجأة تركت الزراعة بالمرة؟ ,يعني سمعت انو حتى الزيتون ضمنتوا لتخلص من همو.
- ومين قلك اني تركتها فجأة وبعدين عمرو ماكان الزيتون هم حتى أخلص منو ولا مابتعرف سورة (والتين والزيتون وطور سينين) لتكون ما بتصلي
-ههه..... شلون لكان حجي بصلي نحنا أعضاء المنتدى كلنا منصلي الحمد الله ,يعني بفهم من كلامك انو مانك راضي عن الشي اللي صار
وبتتمنى انو يرجع فيك الزمن ووتعود تشتغل بالأرض.
- أنا مستعد أرجع وأشتغل ليل مع نهار , إيييييه , اشرب كاسة الشاي قبل ماتبرد لأنو يا ابني نبشتلي جروحاتي ورح احكيلك يلي جاي تسمعو مني
انا ياابني كان عندي أراضي على عرض الدروب ومافي قرنة بالضيعة الا وكان عندي فيها قطعة أرض .
وكان أشو ما بيخطر على بالك مواسم في عندي كل شي,يعني أشو بدي عدلك لعدلك حنطة.شعير ,كمون عدس حبة السودة كرز محلب
ماعدا كروم العنب يلي كان عندي منها كتير ولكل أنواع العنب وآخر شي عملت بساتين صرت أزرع فيها شجر من كلو
وطبعا الزيتون والتين هدا مفروغ منو يعني حتى التبغ كنت ازرعو عبقلك ما وفرت شي والحمد كانت موفاي معا نا
يعني مستورة والأهم من هيك انو كنا مبسوطين وكانو الولاد الله يرضى علين ويوفقن يساعدوني بكل شي
وكان عندي تركتور وكلفتور وتريلا وبعدين اشتريت صهريج وكانت المواسم عين الله عليها يا خي من زمان كل شي كان في بركة
- وكل هاي الأمور كنت تقوم فيها لوحدك؟
-يا ابني من زمان كان الواحد يصحى قبل طلوع الشمس ومايرجع لتعتم العين مو متل هلق بأدن الضهر والناس نايمة,
الله وكيلك ايدي على ايد المرة والولاد نحنا كنا نفلح ونبدر ونسقي ونحصد وحتى نبيع الموسم ,
الواحد من زمان كان عندو همة بتهد جبال مو متل جيل هالأيام العا يش على البسكوت والكولا
- لحديت الآن كل شي عبسمعو منك كويس وعال العال بس شو صار بعدين ؟
- الي صار انو كل شي تغير وأجت معي من كل الجهات يعني من زمان كانت المية كتيرة والمطر بركة الله وبتذكر انوكل الشتي ما ينقطع خيطا
وحتى بالصيف اذا بدنا نسقي كان سعر السوتير مهضوم بس مو متل هلق , المطر خف كتيرو سعر سوتير المي وصل للغيم ,
الله يعفي عنا من عند طلعولي على التلفزيون هدول نانسي ومامسي ومابعرف مين, الله محقنا وبعدين خليني قلك ,
الولاد كانو شايلين عني كتف وكنت اعتمد علين بكل صغيرة وكبيرة بتعرف تصور كان واحدن يعطل عن المدرسة طوال ما في حواش زيتون .
- مزبوط حتى انا بتذكر انو ايام موسم الزيتون كنت ادخل على الصف ما لاقي ست سبع طلاب والباقي معطل ؟
- و بعدين الكل راح بحال سبيلو ليشوف مستقبلو يلي كمل جامعة ولي سافر على شي دولة واللي فتحلو مكتب تجارة ويلي توظف
,ايه هاي سنة الحياة ,وبعدين حتى تكمل مع الفلاح المعتر ورغم انو كل شي غلي وصار بالنار ماعدا المواسم سعرها بتراب المصاري,
اي طيب يعني الواحد منين بدو يلقى ليلقى بعدين شوي شوي مليت , ترى ما مليت من الشغل بس من الوضع المشحر
ولا لو جيت لإلي انا مستعد ضل اشتغل بالأرض طوال ما عندي همة , فقمت أول شي بطلت أزرع خضرة بعدين بطلت أبدر,
وهيك كرت المسبحة..... لقلك شغلة بقى ,الزيتون من زمان كان سنة بيحمل وسنة لأ واذا خدمتو بيحمل كل سنة
إوين هلأ سوتير رايح وصهريج راجع ما عدا أجار الفلاحة و الشحالة ومع هالشي كل تلات سنين ليحمل مرة واشو هالحمل,
الحمد الله يارب لا اعتراض على حكمتك , يعني كمان الناس بطلت تصلي وبطلت تزكي يا زلمي حتى الأخ بطل يحكي مع أخوه
ولأ و كل شي إلا هدول الشباب المفصعنين اللي بيطلعو بنطو وبنقزو كل النهار على التلفزيون منين الله بدو يبارك في المواسم.
- طيب هلأ شو بتشتغل وكيف بضيع وقتك؟
- بقعد بالمكتب يلي فتحو ابني منشتري من هون شغلة ومنرد منبيعا, بس والله شغلة بتجيب مصاري الحمد الله عندي الولد فتح ماحالو شي
بعدين يعني انا مابيجي مني اترك الأراضي بالمرة, بطل علين كل فترة و فترة , وبشوف اشو لازمو سقي واشو لازمو شحالة ,
بركب السيارة هاي اللي صيفي على الباب والله مابعرف أشو بقلولا .....
-كورولا حجي اسم السيارة تويوتا كورولا .
- بطيخ بسمر يلي هي....بتصدق اسماء ولاد ابني وولاد بنتي مابعرفن أحيانا بخربط فين الكبر عبر ... إي متل ماقلتلك بركب السيارة وبفتل فيا على هالأراضي بس بتعرف شغلة , والله العظيم وهي حلفتني ومالك علي يمين تحلفني
مو عبركب سيارة وحديثة وما بعرف أشو وبتشتغل على الزرار بتكبس زر بيرتفع الشباك وبينزل لوحدو
و لسه ابني عندو سيارة فيا مية زر هديك مابعرف سوقا بس مع هدا كلو عندي ركبة التركتور وصوتو ودخنتو وقرقعتو بتسوى مية سيارة , ..................... يالله اشو بدنا من كل هالحكي قوم الغدا صار جاهز هلق بيبرد
-لا يسلمو حجي مافيي الله يديمك, بعدين لازم روح أطبع الحوار وحملو على موقع المنتدى .
-علي الطلاء مابتطلع من هون لتتغدى وبعدا روح سوي اللي بدك ياه, أشو بدك مدير المنتدى يحكي علينا ويقول ماقمنا بالواجب ............
.................................................. ......................النهاية..................... .................................................. ...........
مارح أ حكي كتير بعد هالحوار يلي ان شا الله يعجبكن
ويكون خفيف عليكن
و الهدف منو فقط التنويع في طرح القضايا والمواضيع ,
أنا منتظر أقتراحاتكم للنهوض بالزراعة
وجعلها مصدر رزق متل ما كانت من أول لجميع أهل القرية ومصدر دخل مادي حقيقي
آملين من المولى القدير أن يكون هذا الموضوع ومشاركاتكم عليه خالصة لوجهه الكريم
تقبلو ا تحياتي