نجوم طيور الجنة ( المزيفين ) يتحولون الى شبان صايعين

[مصطفى العلي]

السلام عليكم ورحمة الله وبركاته
اليوم الاربعاء 10-2-2010
اكيد كلكم سمعتو بانه رح يصير حفلة لفرقة طيور الجنة للاطفال في قريتنا الغالية
وطبعا عنا العادة بالضيعة ان الكل رح بروح الكبيرين والصغيرين الشباب والبنات
ويا سيدي بلا طول سيرة اجتمعت هالعالم ( انا ما كنت موجود )
في صالة الافراح الشرقية واطفال النيرب وطلاب المدارس كلهم صارو هنيك وكأنهم عبينتظرو هاليوم
وفوجئ الحضور بعدم حضور الفرقة التي ما يشاهدوها على التلفزيون ( الفرقة الحقيقية المشهورة بقناة طيور الجنة )
وتابعو الناس هالعرض يلي صار فيه عروض لدمى وبيع ( للاندومي )
لهون هالشي مقبول
وفجأة احد اشبان الصغار حاضرين يسمع احد اعضاء الفرقة يلي عبصور بالصالة بقول : شوف هديك ملكة جمال انا اريح صورها
!!!!!!!!!!!!!!!!!!!!!!
هالشب متل باقي شباب النيرب فيه النخوه وبخاف على عرض ابناء وبنات النيرب
راح وصاح لشباب من برى الصالة وقلهم شو سمع
اجو هالشباب وتفاجئو بهالشلة يلي جايبينها من شوارع حلب (على اساس هني فرقة طيور الجنة )
عبصورو الصبايا والنساء يلي موجودين بالصالة وعبيعلنو عن اختيارهم لملكة جمال الحضور !!
وبكمرة فيديو وبموبايلاتهم
هون الشباب جن جنوهم
وبلشو فيهم طبش واخدو منهم كاميرات التصوير والموبايلات وفضو كل هالمسخرة .
هون بتجي الاسئلة وبدي اجوبة من صاحبينها
مين يلي جاب هالشلة ؟؟
مين وزع البطاقات عن طريق المدارس وكيف صارت الدعوة من ضمنها ؟؟
هل يا ترى هالفرقة نظامية ومرخصة ؟؟
كيف تم سرقة اسم طيور الجنة المعروفة ولا نحن عنا بصير كل شيء من شان يستغلو اسمها ويكسبو المال ؟؟
من المستفيد الاكبر من هالمسخرة يلي لوثت هدف قناة طيور الجنة بنشر الاخلاق الحسنة في عقول اطفالنا ونشر ديننا الحنيف بافضل صورة وعكسوها باختيار ملكة جمال الحضور ؟؟
والسؤال الاهم
يا ترى ليش مافي رقابة اكبر من اهالينا بمنع ذهاب ابنائنا الى متل هيك امور قبل التأكد من صحتها ؟
وليش الكبيرين عبروحو اذا على اساس صايرة للاطفال ؟
بانتظار آرائكم يا شباب

[mossab]

كان المفروض يكون في رقابة من مديرية المدراس في القرية وتحت اشرافهم ولو انو بقي الامر مختصر على الاطفال ومافي داعي لحضور النساء يمكن جنبنا حالنا هيك مشكل بس طالما نسائنا مصرين على وجودهم في كافة الاماكن بظن لازم نتحمل نتيجة عملنا ودائما لازم نعرف كيف نختار الناس اللي بنجيبها لتكون حاضرة بين اهلنا وناسنا ومادام مصرين انو نتحضر لازم نحط بعين الاعتبار سلبيات الحضارة اما اعينا قبل ايجابيتها ونتحمل نتيجتها وارجو تقبل راي مع خالص ودي واحترامي للجميع

[فادي ابو كامل]

في سؤال بيطرح نفسو كلنا بنعرف انو هالمسرحية للصغار فلشو روحة الصبايا عالصالي طبعا انا ماعم برر زعرنة وصياعة والة ادب الفرقة بس سؤال بيطرح نفسووشكرا

[سنان]

والله انا بشوف انو ابو كامل معو حق لازم الرفابة قبل المدرسة تكون من الاهل ولازم نوعي الصغار والكبار والكبار قبل الصغار

[احمد زكريا]

يعني انا الي بدي اعرفو يعني معقول انو الناس صدقت انو فرقة طيور الجنة بدها تساوي حفلة بالضيعة يعني بتوقع انو هذا تفكير مو منطقي بالمرة وبالنسبة لروحة النسوان والصبايا عالصالة مالها داعي بالمرة وبالنسبة للفرقة كان لازم يتاكدوا منها قبل ما يجيبوها

[abu abdo]

انا برأي انو البنات مافي لزوم يروحو وفي من البنات بكلوريا تاركين دوراتهم ودراستهم
وانا برأي ماكان لازم الشباب يتسرعوا ويعملو مشكلة كان لازم يفوتو يطالعو البنات وفضت ياعرب

[ابي سرمين]

كلا مك ذهب ابو كامل

[أبوياسر]

والله كان لازم ما يروحوا على هيك مسرحيات
هي شغلة للأطفال لينبسطوا

[آلاء علي العساف]

يلا حرام خلو النسوان والصبايا يروحو على الصالة مو حرام عليكم ليش أنتو قليلين خير حرام .........
وين المشكلة بدهن ينبسطو شوي .........مو هيك

[yaser]

صحيح ردي متأخر بس الموضوع فعلا شي مهم ولازم نوقف عنده
اول شي متل ماذكروا الشباب مين يلي جاب هيك ناس على مجتمعنا
يعني لازم يتحاسب
والله يبارك الايدين يلي كسرتلهن روسهن لهالقليلين الشرف والوجدان
بس ياشباب ما اعرفنا ليه مااتسلموا افراد هالعصابه لان لازم مانطلق عليهن فرقه ومش طيور الجنه هول بوم الخراب
يعني لازم يتسلموا للامن ياخد فيهم عقوبة صارمه تحرمهن يعملوا هيك شي
اكيد نحنى لازم نكون حريصين على الصبايا انه مايوقعوا بهيك مواقف
بس المشكله مش بروحتهن هن على الحفله المشكله بالفرقة لان اكيد الناس افتكرت انها فرقه محترمة متل ما لازم تكون

[احمد الصالح]

المصاري صارت ثعمل كل شي يا ابو كمال وننسى شو المنيح بس مو لا هل درجة هاد شيمو معقول يطلع من ابن الضيعة هيك