أسئلة بايخة [الأرشيف] - النيرب على شبكة الانترنت

مصطفى العلي

11-17-2008, 08:41 PM

*متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
شو نايم ؟؟
لأ !! عم ارقص.. بس الوضع بيوحي إني نايم

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
جيتوا؟؟؟
لا والله لساتنا عالطريق، في عجئة بالشارع

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالسطوح صلّح الدش؟؟؟

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
وجهه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم عد أزرار التلفون بركي ضاع شي واحد ؟؟؟

*حاطط راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
بتجاوب: شو بتساوي اول يوم العيد ؟ أكيد بتروح بتزور الأهل والقرايب
لا والله بالعادة بفكر العب شدة وماروح لعندهم

*بتطلع بميكرو وبتطلع (خمسة ليرات )وبتعطيها للي قدامك، وبكل برودة
بيئلك: واحد ؟
لأ 60 واحد ؟ ورجعلي الباقي

*بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي

احمد زكريا

11-19-2008, 07:29 PM

هذه الأسئلة منشان التأكد بس مو أكتر لا تكون متحامل الجماعة

waseem

11-19-2008, 07:42 PM

شي حلو انتي اكيد ماعمتمزح عبتحكي جد مو

مصطفى العلي

11-19-2008, 09:29 PM

شو قصدكم يا شباب ؟؟ رحتو على غير شغلة؟؟

محمد أحمد العلي

11-19-2008, 10:50 PM

انتي هلا نيم ولا بدك اتروح تتمشي

جنرال

03-10-2009, 07:21 AM

شكرا لك ياعزيزي على الاجوبة من شان اذا تعرضنا لشي سؤال من هالنوع نعرف نجاوب

احسن مانرد بـــ ( اي أو اكيد أو طبعا)

ابو لمار

03-10-2009, 11:16 AM

سلمت يداك

شي حلو بس أكيد الأجوبة كانت و انت معصب